روايه ((الهاربات))

ऌॡ البـــــــــــــــــــارتـ ((7))ऌॡ
بعد ثلاث أيام

عند ذياب
بعد ما وصل البحرين وخذ له حجرة في إحدى الفنادق بدى حملة البحث توقع إنها
تكون تدرس فدور على إسمها في كل المدارس والجامعات والكليات بس ما لقى
إسمها
قال في نفسه اليوم الثاني بيدور بالمستشفيات عسى يلاقيها
حط راسه ع الفراش وتم يفكر
شو ممكن سوت بهالسنين ..؟؟
تغيرت أطباعها وعاداتها ؟؟
تغيرت أفكارها تغيرت معتقداتها ؟؟
شو إلي تغير فيها .؟؟
وهالتغير سلبي وإلا إيجابي ؟؟
كيف عاشت هني .؟؟
من وين لها تاكل وتشرب ؟؟
من وين لها تلبس وترقد في مكان نظيف ..؟؟
منو صرف عليها .؟؟
تزوجت ...........؟؟
لا لا ما أتوقع
يمكن ليش لا
زين وأنا وسعيد
يا أخي يمكن مش أكيد
زين ماتت
حشى شو هالفال لا تفاول يا إخي إن شاء الله ما فيها إلا الخير إرقد إنت بس وريح نفسك من هالأفكار
( كل هذه الأفكار وأكثر دارت في راس ذياب )
--\--
في المستشفى
ريم : أنا موافقة
راشد إبتسم : كنت حاس وإلا حد يحصله راشد ويقول لا
ريم : بس أنا عندي شروط
راشد صد لها : أتوقع إنج بموقف ما يسمح لج تتشرطين
ريم : إسمع شروطي أول
راشد : إن يازت لي ترا رضيت بها
ريم : نرد الإمارات أنا وهند وحصة
راشد تذكر حصة : منو حصة .... هيه هايج إلي يتج يوم طحتي
ريم : هيه .... تحجز لنا 3 تذاكر في الإمارات وتيلسنا بشقة
راشد وهو رافع وحدة من حياته : وأسكنج وياهم
ريم : عيل
راشد ضحك بإستهزاء : عيل كيف بتم ريلج
ريم ببرود : شو يعني نيلس معاهم
راشد : أنا ما أحب أضيج ع حد
ريم : ما بتضيج ع حد
راشد : بلا بيتمون بشيلتهم طول ما أنا موجود
ريم : عيل خذ لي شفة حذالهم
راشد : وأنا باخذج وإلا باخذكم كلكم
ريم وهي توقف : هذا شرطي
راشد وهو رافع وحدة من حياته وقال بخبث: وإن ما وافقت
ريم تهز أكتافها : ربك يحلها وحميد موجود ما أتوقعه بيقصر
راشد إشتط : خلاص أنا موافق سيري سوي الفحوصات وأنا بعد بسوي ونملج باجر بعد ما تظهر
ريم ابتسمت بنصر : موافق ع شرطي
راشد وهو لازال مغيض منها : هيه موافق سيري إنتي اللحين
ريم طلعت وإبتسمت لو بتقيد عمرها براشد بتريح هند وحصة وبترد لهم جميلهم وفضلهم عليها هالسنين كلها
--\--
باجر
هند وعيونها مفتوحة ع آخرها من الفرحة : حلفي ..
ريم ببرود: والله
حصة : خلاص يعني كل شي إنحل
ريم : إن شاء الله بعد المغرب كل شي بيتم
حصة وهي مستانسة وتتطالع هند وتشرب من قلاس الماي : شفتي قلت لج إن ربج بيفرجها
هند تتطالع ريم بنظرات : من وين لج البيزات
ريم نزلت راسها وتنهدت : راشد
حصة لفت عليها بقوة : شو فيه راشد لا يكون سرتي وطلبتيه
ريم تكمل كلامها : بتزوجه
حصة طاح قلاس الماي وإنجب الماي ع الأرض: شووووووووووو
هند : ريم إنتي شو تقولين
ريم : عرض علي أتزوجه ويدفع الفلوس ويتنازل
هند : إنتي هبله ليش تضيعين ليش تربطين نفسج مع شخص نفسه
حصة : ليش تضحين بنفسج يا ريم
ريم ابتسمت وقالت : ما عليكم أنا شرطت عليه شرط بيعيشنا في عز باقي عمرنا
حصة : وشو هالشرط
ريم : نرد البلاد
حصة وهند مرة وحدة فجو عيونهم وقالو بصوت واحد : شووووووووووووو
ريم : حشى موب صوت عليكم ..... عن تطيح بلاعيمكم

حصة : شو قلتي إنتي تخبلتي
ريم بدهاء بين في عيونها : لا ما تخبلت ولا شي ... بالعكس هو بغى يلعبها علي بس انا إلي بلعبها عليه
حصة : هذا زواااااج مو لعب عيال
ريم : أدري أدري ...
هند بهدوء : بشو ناوية
ريم تنهدت : ناخذ شقة بالإمارات نسكن فيها
هند : وراشد معانا
ريم هزت راسها بلا : يصير خير عقب
هند : وبعدين ...؟؟
ريم بشر : بطفر به ما بخليه يتهنى كم شهر وغصبن عن خشمه بيطلقني
حصة : وإن ما طلق
ريم : بيطلقني ما عليج بطفر به ما بخليه يتهنى بلقمة ولا بيلسة وإن ما طلق ما بخليه إييني الشقة ( قالت بشر ) بطلع عيونه
هند هزت راسها بأسى : ليش كل ها ... شو ذنبه هو
ريم صدت لها وإستغربت سؤالها وتمت تتطالعها
هند : شو يا ريم بتستوين بتبيعن أخلاقج ومبادئج عشان فلوس وهالفلوس ما بتسااعدج بتساعدني أنا يعني ما بتستفيدن منها شي
حصة ورايها كان نفس راي هند : الزواج شي عظيم ومقدس في ديننا حرام إلي تفكرين فيه
هند : فكري وفي وقت إنج تتراجعين عن كلامج وأنا مستعدة أدخل السجن ولا تتطيح صورتج من عيني
ريم : أنا إلي أسويه عشانكم
هند بقوة : إنتي رييييييييم ....لا ما أتوقع ريم إلي أعرفها ما كانت تروم تفكر جيه
ريم تنهدت : خلاص أنا قررت أتزوجه
حصة : ريم ...
ريم وهي تأشر لها بإن تسكت : ما أبي أسمع شي هذا رايي وأنا قلت له إني موافقة
هند : أنا هب سايرة معاج البلاد إلا لما توعديني إنج تكونين نعم الزوجة لراشد
حصة : حتى أنا ماني مكلمتنج إلا إذا بعد ما توعديني إنج تشيلين هالأفكار من راسج
ريم بضيج : أوعدكم يالله أنا سايرة المستشفى عند ريلي ( قالتها بغصة )
حصة : لحظة أنا ياية معاج
هند : وأنا بعد
حصة قالت بمكر : ريمو بما أنه اليوم ملجتج لازم تكشخين
ريم صدت لها بقوة : شووووو
هند : هيه بعد شووو عيل بتسيرين للريال جيه جلحه ملحه
حصة وهي تسحب ريم: تعالي تعالي
ريم بخوف : شو بتسوين
هند : حنزبطك يا ستي
حصة : وإنعدلك يا أمر
هند : ونلبسك يا جميل
ريم : ينخاف منكن إنتن يا رية وسكينه
هند وحصة ضحكو : ههههههههـ
--\--