رد: روايه ((الهاربات))

**.♥. Ŝαŗõõŋα** الثلاثاء مارس 01, 2011 6:17 am

ऌॡ البـــــــــــــــــــارتـ ((11))ऌॡ

ريم يلست ع الكتبة وبإيدها التليفون : انا بتصل بهم
راشد توتر وإرتبك : هااااااه شو تتصلين بهم ( ودور عذر ) أصلاً تليفوناتهم ما بتستجيب لج لأنهم بدولة ثانية
ريم بذكاء : عيل كيف تليفونك إستجاب
راشد : لأن تليفوني أساساً مش من هني تليفوني خط من الإمارات
ريم : أها
راشد حب يغير السالفة : أقووول روحي بدلي ثيابج حاس إني يالس مع واحد من الربع مو زوجتي
ريم رفعت وحدة من حياتها : ما عندي ثيااااااااااااب إنزين
راشد وهو يأشر على شنطة من الشناط إلي حذا الباب : مازر لج الشنطة ثياب تنقي وإلبسي
ريم وقفت وسارت جدا الشنطة وسحبتها للحجرة تشوف إلي فيها
--\\--
في الإمارات
تحديداً في بيت بو سعيد
ع الباب
هند كانت متردده تدخل وإلا لا
حصة : شفيييييج
هند : خاااايفة
حصة : من شو خايفة سمي وإدخلي
هند وهي ماسكة يد حصة : تعالي معاي داخل
حصة : أنا داخلة معاج شفيج إنتي
هند : والله مرتبكة
حصة دقت الجرس : ما بيصير شي إن شاء الله
ذياب من وراهم : تبين أدخل معاج
هند إستحت وفي نفس الوقت ما حبت إنه يشوف علاقتها مع أهلها رغم إنه يعرف كل شي تقريباً : لا
ذياب : أنا بستناكن إهنه
قطع عليهم رمستهم صوت شيخة من ورى الباب : منو
هند ما ردت ف بطلت شيخة الباب وطلت تتطالع منو و فتحت عينيها ع أوسعهن لما شافت هند : هـــــــــــــــــــند
هند رفعت راسها وطاحت عينها بعين شيخة قالت وإبتسامة سخرية ع محياها :هيه هند يا حرمة إبوية
شيخة عيونها إنترست بالدموع ومدت يدينها لها وسحبتها لداخل البيت وأول ما دخلت هند البيت شيخة لوت ع هند وهي تصيح
شيخة : سامحيني يا هند سامحيني أنا حرمتج من أبوووووووج .... أنا فرقتج عنه للأبد
هند وهي تبتعد عنها : تبيني أسامحج ..
شيخة : يا ريت
هند : صلحي إلي سويتيه وردي لي أبويه
شيخة صاحت زيادة : ما أرووووم ما أروووم
هند إنقهرت منها : وليش ما ترومين أشوفج رمتي تصوريني وتجذبين ع أبويه
شيخة وهي تشاهق بشكل يكسر الخاطر : ما أروووووووميا هند ما أروووووووووووووووووووم أبوج أبوج
هند بعصبية : شو ما ترومين ... وأبويه بتقولين له يعني بتقولين له
شيخة : أبوج مااااات ما أروووووووم أقوله
هند جمدت أطرافها وملامح الصدمة بينت في ويهها : شوووو ماااااااااااات
شيخة : قبل ثلاث اياام مات حاولت أتصل بذياب وأقوله بس ما قدرت
هند وبعدها مصدومه : مـــــــــــــــــــــــــــــــــــــــــات
شيخة : البقا في راسج
هند هني خلاص إنهارت قواها خارت وطاحت وقبل لا توصل للأرض تلاحجت عليها حصة إلي كانت متفرجة ع الموقف
حصة : ساعديني ندخلها داااخل
شيخة ساعدت حصة ودخلوا هند داخل ومددودها ع شبريتهاإلي ما تغير فيها لا هي ولا غرفتها من طلعت من البيت
حصة : خليها ترتاح شوي
شيخة طلعت هي وحصة
حصة : البقى في راسج
شيخة : يزاج الله خير ... ( طالعتها بتمعن ) حـــصة
حصة بلعت ريجها : هيه
شيخة إبتسمت وهي تجاملها : محلوة ما عرفتج وايد ضعفانه ومحلوة
حصة إبتسمت بحيا : تسلمين
شيخة : إلا صدق سمعت إنج تطلقتي
حصة نزلت راسها : هيه
شيخة : وشعنه
حصة : نصيب
شيخة :هيه هاا .... إلا تعالي متى ييتي من الفجيرة
حصة إستغربت : الفجيرة ..؟؟؟
شيخة : هيه سمعت من الحرمات إنج مع يدوتج يالسة في الفجيرة
حصة ما عرفت شو تقول : منو قالج ؟؟
شيخة : يارة عمج .. قالت بعد ما طلقج خويلد إخوانج عقوج بيت يدوتج
حصة تنهدت بغصة ع الأقل ستروا عليه : ها هيه
شيخة : ما تعرفين شي عن خويلد طلقيج
حصة هزت راسها بلا وقلبها مقبوض : لا
شيخة ردت تسأل : إلا هند كانت يالسة مع منو في البحرين
حصة : مع بنت خالة أمها
شيخة إستغربت : هيه ..
حصة : شيخة
شيخة : أمري
حصة بلعت ريجها : أنا أبي أقعد هني مع هنود
شيخة : إقعدي حبيبتي البيت بيتج
حصة : ما فهمتي علي أنا أبي أقعد معاها على طول
شيخة إستغربت وعقدت حياتها : ليش ما بتردين الفجيرة
حصة هزت راسها بلا : موب حلوة العيشة هناك
شيخة قالت ببرود : اصلاً البيت بيتي وبيت هند وجان هند تباج فمرحبا بج أنا ما عندي مانع
حصة إبتسمت : تسلمين
شيخة : الله يسلم غاليج
حصة : ترى بنت خالة إم هند بعد يمكن تسكن معانا
شيخة : حياها الله
حصة : الله يحيج ويبجيج
شيخة إبتسمت : تسلمين ..... أقول حصيص ما قدمتي في الشؤون
حصة : الشؤون ..؟؟؟
شيخة : هيه الشؤون تراج مطلقة وبيعطونج فلوس
حصة : ما قدمت
شيخة : زين زين إصبري لين ما اطلع من العدة وبنسير رباعة نقدم
حصة : يصير خير
--\\\--
في البحرين
عند ريم بعد ما لبست تنورة سودة طويلة وقميص فوشي بخطوط سودة وربطة فوشية ع الرقبة رفعت شعرها بالمشبك وطلعت لراشد
راشد : هلا والله
ريم طالعته بدون ما ترد عليه
راشد بإبتسامة : ما إشتقتي لي ..؟؟
ريم طالعته بإستخفاف : وايد واثق تراك
راشد بإحباط : أفا
ريم صدت صوب التلفيزيون وسوت له طاف
راشد : ريم قومي لبسي عباتج بنطلع نتغدى أنا يوعان
ريم : ما أريد أطلع
راشد : زين أنا أبي أطلع يالله عاد
ريم إذن من طين وإذن من عجين
راشد : حووووو أرمسج أنا
ريم : أفففففففف شعندك تزاعج حذاك تراني حشى طريت إذني
راشد : لا تستهبلين قومي عشان نتغدى
ريم طالعته وهي رافعة وحدة من حياتها : وإن قلت ما أبي
راشد وصبره نفد قال وهو يوقف و : نفااااااااد عنج ما سرتي زيييييييين ..... سديتي نفسي ما اريد أكل
وسار حجرته وسكر الباب وراه وريم سوت له طاف وتمت تفرفر بين القنوات وهي
أساساً ما تعرف شو تحط كل تفكيرها اللحين بهند وحصة وحياتها مع راشد يف بتم
معاه وهي مو بالعتنه ولا متقبلتنه
تنهدت بقهر على هاللحالة
رفعت نظرها ع التلفيزيون تتطالع شو إلي إستقرت عليه لقت نفسها ع قناة من قنوات الأغاني لقت إغنية لهند
ما قدرت أصبر ثواني في غيابك عن مكاني
أنا عنك ما اتصبر عود يا بسمة زماني

ما علينا ما علينا لو حكو العذال فينا
من حكيهم ما انتأثر والغلا يشهد علينا

ما تفرقنا الليالي كل منا دوم غالي
حبنا أسمى وأكبر وقدرنا بالحب عالي
إبتسمت وهي تفكر بهند وحصة وراشد إلي من سمع الإغنية ع باله الحرمة تعنيه واستانس وتشقق حليله
ما درى إنه آخر همها
--\\--
نعود للإمارات
ذياب يكلم هند وهي واقفه ع الباب : البقى في راسج
هند والهم والضيج مبين في ويهها : يزاك الله خير
ذياب : ناقصكم شي محتاين شي تراني موجود
هند : تسلم ما تقصر
ذياب : لا يردج إلا لسانج
هند : ما نحتاي شي
ذياب : شو بتمون هني
هند : إن شاء الله
ذياب : عيل أنا بسير اللحين
هند : الله وياك
سار ذياب وهند دخلت داخل وفي الصالة كانت شيخة تسولف مع أم مشعل وحصة
شيخة وهي تبتسم : والله يا حلوها يلستكم وسوالفكم
أم مشعل : تسلمين حبيبتي
شيخة وهي تصد لهند : هنوده تعالي يلسي معانا اللحين بنغرف العشا
هند بصوت مبحوح : ما أريد ما لي نفس
حصة : تعالي كلي لج لقمة ما يصير جيه
هند : مالي نفس بحط راسي وبرقد
سارت الحجرة وهي تداري دمعتها ما تبي تصيح يدامهم ومن وصلت فراشها بدت بنوبة بكاء
--\\--
باجر في البحرين نش راشد من وقت لأنه راقد تقريباً من المغرب وريم كانت سهرانة على فلم هند شافته قبل مع هند وحصة فرقدت عليه
راشد طلع الصالة يبي يسير الحمام كان حاط الفوطة ع رقبته وهو فاج عين ومسكر
عين طالعها كيف راقدة ع الكنبة ما تفيج يعدل رقدتها أو حتى يكلف ع نفسه
ويلحف عليها وهي فقيرة لامه روحها من البرد توجه الحمام ياخذ له شاور
ويصحصح
أما ريم فما استحملت البرد وتضايجت من النومة فلفت بعمرها الصوب الثاني وما
وعت إلا وهي ع الأرض فامت مفزوعة من الطيحة يلست وهي تحك راسها وهب من
النوع إلي إذا نش لو شو صار ما ترد ترقد قامت صوب الحمام سمعت صوت الماي
قالت أكيد راشد داخل ردت وتساندت ع الكنبة تستانه يطلع
بعد عشر دقايق طلع راشد وهو لاف الفوطة ع خصره وريم أول ما شافته بلعت
ريجها نزلت راسها وسارت صوب الحمام وهي تتحرطم عليه : حشى سبوح عروس مو
سبوح ريال
راشد تشكك بعمره وسار يطالع الساعة المعلقة في اليدار وشاف إنه ما طول صد
بيرد عليها لقاها قدها في الحمام هز راسه بإستغراب وسار يلبس
طلع بعد ما خلص لبس وكشخة شافته ريم بنص عين : وين من صباح الله خير
راشد : وليش تسألين
ريم : أتوقع من حقي
راشد : أوه أوه نتكلم بالحقوق تراني لين اللحين ساكت عن حقي
ريم طالعته بنص عين : صدق عاد
راشد حب يخلص الموضوع : انا ساير الجامعة عندي جم شغلة اخلصها
ريم نطت : أنا بعد بسير وياك
راشد : ليش تبين تسيرين
ريم : أنا بعد عندي أشغال
راشد : قري مكانج ماشي روحة
ريم وهي تتخصر : لا والله
راشد وهو يقلد صوتها : هيه والله
ريم : زين ليش
راشد : ع بالج غبي وإلا غبي لا لا قولي غبي .... أدري إنج سايرة هناك تشوفين الباش مهندس حميد
ريم بغت تقهره : قصدك الدكتور حميد
راشد فول : يا قوات عينج
ريم عطته ظهرها : روح توكل إبوي ما أبي اسير إنزين
راشد مسك مخدة وفلعها بقهر وبما إنها ما شافت الضربة فما قدرت تتفادها فيت
المخدة براسها وكردة فعل طبيعية إنحنى راسها شوي بس لما إنحنى إنضرب
باليدار وتعورت
وراشد إلي ما لحق ع المشهد فر المخدة وطلع من الشقة بعد ما سحب المفتاح وسكر عليها
ريم تغصصت وتمت تسبه بينها وبين نفسها وهي تفرك يبهتها : يعله النفاااااد إن شاء الله
--\\--
المسا في شقى راشد
راشد : لمي اغراضج باجر بنروح الإمارات الصبح
ريم : وإن سرنا وين بتيلسني
راشد طالعها بنظرة : بشقة بعد وين
ريم : وبتحبسني بعد هناك
راشد : على حسب الظروف
ريم : راشد ترى هاي مو عيشة ترى إن كنت ما أفكر أطلع بهالتصرف بفكر مية مرة إني أطلع
راشد بصوت عالي : لا تصدعين لي راسي ولمي أغراضج وأغراضي
ريم : حو لا تيلس تزاعج ما أشتغل عندك أنا
راشد قام ومسكها من رقبتها : تراني صاخ لج مو لسواد عيونج لا حبيبتي أنا صاخ وساكت لين نوصل البلاد وهناك بتفاهم معاج
ريم : وليش ما تتفاهم معاي هني
راشد إبتسم بخبث : تبين نتفاهم يعني
ريم خافت من نظرته : راشد ودرني
راشد وهو يسحبها : إنتي تبينا نتفاهم بنتفاهم أفا عليج
ريم حست بالخطر وقالت وهي تترجاه : خلاص إبوي ما أبي أتفاهم ودرني بس
بس لا حياة لمن تنادي
--\\--
بعد شهر في الأمارات
حصة : تراج علقتي الريال ما يرزى عليه ساير راد عليج
هند : حصيص والله مو متفيجة لج
حصة : زين لين متى
هند : وإنتي تتحرين هالوقت مناسب إبوي توه مكمل شهر من توفى
حصة تنهدت : زين شرايج نطلع اليوم
هند : وين تبيين
حصة بحماس : ما أدري خاطري جيه نطلع نتفرفر في الإماارة وانتهاها

هند بنص عين : شعنده ميحد
حصة ضحكت : يالله أنا بسير ألبس وإنتي قولي حق شيخة وأم مشعل ... لا
تعزمينهم أساساً شيخة في العدة يعني ما بتطلع ... بيني وبينج يوم بنلبس
وبنخلص بنعطيهم خبر عن يسون لنا حشرة وزحمة بالسيارة
هند ضحكت ع خبال حصة
حصة : ههههههه هيه خليج جيه يالله بسرعة
هند : إنزين هههه
وسارن يتلبسن ويوم خلصن عطن شيخة وأم مشعل خبر خذت هند سويج سيارة أبوها من شيخة وساقت السيارة
هند : وين تبين نروح
حصة بهدوء : مري صوب بيتنا
هند تنهدت : حصيص
حصة : من بعيد دخيلج
هند تنهدت مرة ثانية وطاعتها وسارت صوب بيت حصة مروا جدام البيت شوي شوي
كان باب الشارع مشرع والعيال يلعبون يدخلون ويطلعون في الحوش العود
حصة وإبتسامتها ع ويهها : شوفي مريوم شقى كبرت ... طالعي طالعي هناك ميود مستوي ريال فديت خشمه .. ما شاء الله العيال كبرو وزادوا
هند إبتسمت : ما شاء الله
حصة : هنود هنود سلطانو سار الدكان دخيلج سيري صوب الدكان بشوفه
هند طاعته وعند الدكان نزلت حصة الجامة وهند هرنت عشان راعي الدكان إيي
طلع الهندي يربع : نعم مااما
حصة : ييب إثنين بيبسي
هز الهندي راسه ورد داخل طلع سلطان من الدكان نادته حصة : تعال حبيبي
سلطان بطيب خاطر سار صوبها : نعم عمو
حصة ضاع الكلام منها لما قال عمو قالت : إنت تعرفني
سلطان وهو يدقق بويه حصة عقب هز راسه بلا : لا
حصة إبتسمت : زين حبيبي سلطان شحاالك
سلطان إستغرب : إنتي كيف تعرفيني
حصة : أعرفك وبس
سلطان وهو يميل براسه : أنا أحس إني أعرفج
حصة توترت وأنقذها راعي الدكان لما عطاها البيبسي عطته حصة البيزات وودعت سلطان إلي تذكرها لما راحت وقال : عمتي حصة
--\\--
في الإمارات أيضاً تحديداً بشقة ريم وراشد
كانت ريم يالسة ع الكرسي الهزاز
تفكر بحياتها بهالوحدة إلي هي فيها من يت الإمارات وهي ما تشوف راشد إلا
يوم في الإسبوع وايي هلكان من الشغل أغلب وقته راقد أساساً بعد هايج
السالفة في البحرين وكل واحد ما يكلم الثاني
تنهدت بضيج وبقهر أنا في بلادي وحاسة ببالغربة
صدت صوب الباب بعد ما حست بصوت حد يحرك المفتاح بالباب
علقت نظرها ع الباب تستنى راشد يدخل
هي ثواني وراشد داخل البيت
راشد : السلام عليكم
ريم : وعليكم السلام
راشد وهو يدخل المفتاح بجيبه بعد ما سكر الباب : شحالج
ريم : ما أتوقع هالشي يهمك
راشد : رمسيني عدل إنتي إيه
ريم قالت بإستنكار : إيه .... إسمي ريم يا ريلي العزيز
راشد سوالها طاف وسار صوب حجرة النوم بيرقد
ريم قالت بصوت يسمعه راشد : ماخذ الشقة فندق بس ترقد وأنا ما خذني شو ديكور
راشد بدون لا يصد صوبها : هيه ماخذنج ديكور
ريم وهي تهز بالكرسي بدون مبالاة به
راشد وهو يكمل : تصدقين ندمت إني خذتج حشى نكد نكد .... الله ينكد عليج دنيا وآخرة
ريم لفت بالكرسي صوبه : أنا نكد ..؟؟؟
راشد : هيه نكد ... من جيه ما كان عندج ربع ... من جيه ربعج ودروج نكدية تلوعين بجبد الواحد
ريم حست بطعنه قهر وكمل كلامه راشد وهو يعق الكاب إلي كان لابسنه فوق
الكندورة : حشى حتى منظرج تقولين وحدة ميت لها واااحد يا إختي أنا ريلج ما
حسيت بأنوثتج حسسيني إنج حرمة ...... أنا من شفتج بالكندورة ذاك اليوم وأنا
غاسل إيديني منج
طعنه ثانية بس الثانية بالصميم ما في شي أصعب من أن ريلج يقولج إنج ما فيج أنوثه
إنتهى البارت الحادي العشر

**.♥. Ŝαŗõõŋα** الثلاثاء مارس 01, 2011 6:18 am

ऌॡ البـــــــــــــــــــارتـ ((12))ऌॡ

راشد : تصدقين ندمت إني خذتج حشى نكد نكد .... الله ينكد عليج دنيا وآخرة
ريم لفت بالكرسي صوبه : أنا نكد ..؟؟؟
راشد : هيه نكد ... من جيه ما كان عندج ربع ... من جيه ربعج ودروج نكدية تلوعين بجبد الواحد
ريم حست بطعنه قهر وكمل كلامه راشد وهو يعق الكاب إلي كان لابسنه فوق
الكندورة: حشى حتى منظرج تقولين وحدة ميت لها واااحد يا إختي أنا ريلج ما
حسيت بأنوثتج حسسيني إنج حرمة ...... أنا من شفتج بالكندورة ذاك اليوم وأنا
غاسل إيديني منج
طعنه ثانية بس الثانية بالصميم ما في شي أصعب من أن ريلج يقولج إنج ما فيج أنوثه
ريم بكبرياء مكسور ومبعثر : يا مكثر البنات في الشارع
راشد قال يقهرها : صدقج ( رد شل الكاب ولبسه ) أناا ما ادري ليش ياي هني ( مشى متوجه للباب )
ريم إنقهرت لأنه بيطلع وهو توه داخل ما امداه يكمل خمس دقايق قامت من
الكرسي بقهر وسارت الحجرة أول شي طاحت عينها عليه هو المرايا تمت تتطالع
نفسها فترة تتحسس ويهها تتطالع لبسها ما فيه شي كانت لابسة بنطلون واسع
وقميص ماسك على جسمها شوي هاي نك
إنقهرت من تفكيرها و إنها شكت بجمالها والسبب ميييين السبب راشد
يلست ع الشبرية بقهر وهي تفكر وردت تفكر وتتشكك بجمالها قامت وسارت صوب
الكبت تتطالع ثيابها سكرت الكبت بقوة لما سمعت صوت الباب وبحركة سريعة ولا
شعورياً منها عدلت شعرها طلعت صوب الصالة وتساندت ع طرف الباب وقالت
بإستهزاء : شو محد سوالك سالفة
راشد طالعها بنص عين : منو إللي ما يسوي لي سالفة.... انا أمشي والبنات هن إلي يرقمني
ريم بسخرية : ليش توم كروز ع غفلة
راشد : يخسى ايي صوبي وصوب جمالي
ريم : يالواثق .... وبعدين الريايل مو مناظر الرياييل مخابر
راشد يلس ع الكنبة وقال وهو مطنش كلامها : إنتي المفروض تبوسين إيدينج ويه ومجلب كل يوم وتحمدين ربج إني ريلج
ريم ضحكت بإستهزاء : ههههههه والله أنا أدعي كل يوم إن الله يصبرني على مصيبتي وبلاي إلي هي إنت
راشد كمل وهو مطنش كلامها : غيرج يتمنى ظفري وما حصل له ...( صد صوبها ) وأنا كلي عندج وما بغيتي
ريم أربكها كلامه وقفت عدل وهي تتطالعه
وقف راشد وقرب صوبها وعينه ع عينها : عيونج فيها كلااااااااااااام
ريم خافت تضعف وشتت عينها بعيد عنه وهي تهز ريلها بهدف إنها تخفي ربكتها وحيرتها من قربه
راشد : ما سمعتي عبدالله رويشد يوم قال
( تنحنح راشد أونه بيغني وقال بصوته الجهوري )
أدري في قلبك كلام ودك تقوله
أدري فيك وأنا معاك تشتاق وتوله
أدري فيك أدري أدري أدري
ريم : تدري .... ما يكفي
راشد هز بصبعه لا وقال
:
لاي لاي لا لا مايكفي إني ادري
ودي أسمع
ودي ودي أسمع
كلمه فيها نور عمري
ودي أسمع
ودي ودي أسمع
انا أنا أنا أنا أحبك
أنا أنا أنا أنا أحبك
أنا أحبك
أنا أحبك
قول قول
خل تطير الدنيا فينا
خل ليالي الشوق تجيني
ياللي كلمة وحدة منك
ترسم الدنيا بعيوني
---\\--
في بيت أهل حصة سلطان ولد أخوها أحمد يالس يقول لأبوه السالفة
سلطان : ولله والله والله إنها هي أنا أعرف عموووو حصة
أحمد وهو ماسك ولده من أكتافه : متأكد يا سلطان
سلطان : متأكد
أحمد : كانت راكبة مع منو
سلطان : راكبة مع وحدة
أحمد: وهي شو قالت لك
سلطان : لما قلت لها عمو لما نادتني قالت لي إنت تعرفني جان أقولها لا جان
تقول شحالك سلطان قلت لها من وين تعرفيني قالت لي أعرفك وبس بعدين يوم
اطالعت ويهها عدل تذكرتها وتذكرتها عدل بعد لأن عند خالو شما صورة لها وكله
أقولها منو هاي خالو شما تقولي هذي عمتك حصة
أحمد تم يفكر وتنهدت تنهيدة : آآآآآآآآه بس لو أشوفج يا حصيص والله لا يكون آخر يوم في حياتج
سلطان ما سمع أبوه بالضبط شو قال : هاه أبويه قلت شي
أحمد : هاه لا ماشي ماشي
سلطان : زين إبويه أنابسير ألعب مع العيال في الفريج
أحمد : سير إبويه ..... بس هاااه يا ويلك لو قلت لحد عن اللي قلته لي
سلطان : إن شاء الله بابا
--\\--
في شقة ريم وراشد
ريم كانت تتطالع التلفيزيون وفجأة جيه إنقطعت الكهربا
خافت لإنها بالليل وهي بروحها في الشقة
سارت صوب البلكونة وفتحتها تبي الهوا الدافي يدخل الشقة والضو بعد
حست بصوت المفتاح وربعت صوبه وقبل لا توصل طاحت على صدر راشد
ريم من خوفها لوت عليه : راشد خايفة
راشد : شو مستوي هني
ريم : الكهربا إنقطعت أنا ما أحب الظلمة
راشد : وين كنتي يالسة
ريم أشرت صوب البلكونة : هناك
راشد بعصبية : حلفي إنتي بس
ريم : شفيك ... أنا ما أقهر الحر والظلمة
راشد : وطالعة جيه بالبلكونة
ريم : هيه
راشد : وليش إن شاء الله تعرضين نفسج عزيزتي أنا مو تارس عيونج
ريم خافت من عصبيته : شفيك الدنيا ظلمة ومحد يشوفني
راشد : يبيلي أسكر البلكونة وآخذ مفتاحها
ريم عصبت : إنت ليش جيه تراك تطفر بالواحد والله ..... ليش تشك فيني وإنت تدري كيف كنت أرفضك
راشد طالعها بنص عين : ترفضيني وترابعين حميد وأشكاله
ريم : حميد يسواك ويسوى عشرة من أشكالك إنزين
راشد دزها وطاحت ع الكنبة : خليه ينفعج عيل
ريم قالت بقهر : والله إن طلبته ما بيقصر علي
راشد بعصبية وصراخ : إنتيييي شووووووووو ما تحسيييييين وإلا ما تحسييييييييين ..... أنا مو ريال بعيونج
ريم قالت بتكسر الشر : لو منت ريال جان ما سلمتك أمري ولا خذتك
راشد هدى شوي : .....مشكلتي إني ما أشوف غيرج حرمة
ريم : هيه أونك ما تشوف غيري
راشد ضحك من خاطره : تغارين .... ( قالها وهو يمشي صوبها )
ريم : لا
راشد : عيني بعينج
ريم : ترا حتى إنت تغار
راشد : أنا غيرتي ناااااااار فدخيلج لا تيبين طاري حميد
ريم : من عيوني
وإلي يخليك حاول تفهم أوضاعي
حرام نخسر بعض بسبة الغيرة
مافي داعي تصحي غفوة أوجاعي
يكفي وجع قلب غير كل هالسيرة

--\\--
بيت بو سعيد
الساعة ال12 فليل كانن شيخة وهند وحصة سهرانات على على مسلسل
شيخة : ويه ويه ويه نسيييييييييت
هند : شفيج
شيخة : وحدة فيكن تظهر وتطلع الزبالة برع عند الدرام العود
حصة : عاد اللحين آخر الليل
شيخة : هيه اللحين عن تيي القطوة تيي وتنثر الزبالة كلها عقب منو بيلس يلمها
حصة : هنوده سيري
هند : لا لا أنا اخاااف سيري إنتي
حصة : هنود أنا أطبخ وأخم البيت إنتي ما تسوين شي
هند : حصيص والله أخاف
حصة : أمييييييييه ما بيستويبج شي سيري يالله

هند : ما أريد ما أريد سيري إنتي وأنا بوقف لج ع الباب
حصة : أففف أبي أشوف المسلسل
شيخة : اللحين إعلان وأنا بتم اهنه إذا طافج شي بقولج شو إستوى
حصة : زين ركزي عدل مو تفكرين فخمسمية شعلة
شيخة ضحكت : هههههه إن شاء الله
حصة : قومي هنود ووقفي لي عند الباب
هند قامت معاها وحصة لفت شيلة البيت ( الاس أو الليسو )
طلعت حصة وهي شايلة جيس الزبالة بتعقه وهنود خلت باب الصالة مبطل ع أساس لو سمعت إن الإعلان خلص بترد تتطالع
وتوها حصة وصلت عند الزبالة هنود سمعت إن الإعلان خلص بحركة سريعة سكرت
الباب وركضت بتشوووف المسلسل وعطت حصة بو لباااااس حصة الفقيرة ردت شوي شوي
عسب تقهر هنود وتأخرها ويوم وصلت إستوعبت إن الحرمة ما عطتنها طاف وردت
داخل لا والإخت بعد سكرت الباب
تمت تتدق الباب بس الشيوخ داخل معلين ع الصوت ومندمجين مع المسلسل يلست ع الدجة وهي مقهورة منهم
حصة : وصمخ جلاب إن شاء الله لي ساعة ملطوعة الله يقلعكم طافني المسلسل يعلكم الدحق إن شاء الله
حست بسيارة توقف يدام البيت وريال ينزل منها خافت بس ما حبت تبين إنها خايفة تلثمت بشيلة البيت
الريال : شعندج هني
حصة : العب قحييف تلعب ...؟؟؟ وإنت شخصك هاه
الريال : خيبة خيبة عن ينط لج عرج
حصة : والله ينط لي عرج ينط لي جلب ( وأشرت عليه ) هذا ما يعنيك
الريال : حشى ما يرزى علي أنا قلت بساعدج وبنشدج جانج تبين شي وإلا شياته
حصة : منك ما أريد شي
الريال : تراني ولد يرانكم وبساعدج شو محد يبطل لج الباب يمكن رقود
حصة : أي رقود وهم متنحين يدام التلفيزيون يشوفون مسلسل
الريال : زين دقي الباب
حصة : دقيت لين طاحت إيدي ماشي فايدة
الريال : تبيني أطب البيت وأبطل لج الباب
حصة : لا مشكور توكل إنت وهم اللحين بيفتحون لي الباب
الريال راح بيتهم
وحصة رقت الباب بحكم طولها وبما إنه الباب من بيبان اول يعني لا لفيت
الحديدة يتبطل الباب قامت بعد ما وقفت ع أطراف أصابعها وتمت تلف الحديدة
شوي شوي لين تبطل الباب دخلت وسكرت الباب وراها وبداخلها نية شينة يا إنها
بترويهم إن الله حق
تسحبت ولفت ورى البيت ولبست عباة كانت مغسولة دخلت المطبخ وخلت ويهها كله
طحيييييين وصار أبيض مابه ملامح وطلعت غرشت الفيمتو وطشرت ع ويهها وصار
يبيبن جنه دم وحطت خط طالع من فمها جنها كانت تمص دم لبست العباة وحطتها ع
راسها وصبت ع يدها فيمتو وسارت صوب الصالة تمت تشمخ الجامة بأظافرها ع
أساس يطلع صوت مزعج ومخيف
وصارت تتنقل من جامة لجامة إلا تخوفهم وكانت ع كل جامة تترك اثر أصابعها
داخل عند شيخة وهند كانن خايفات حدهن وكل وحدة ترجف من الخوف
هند والدموع بعينها : يمااااااااا شيخو شو نسوي
شيخة قربت لهند ولوت عليها بخوف : تعالي نطالع شو فيه قربن من الجامة وخوزن الستارة ع أساس يشوفن شافن اثار دم
هند خافت زيادة : بسم الله الرحمن الرحيم شو نسوي
شيخة : إتصلي بالشرطة يمكن حرامي
هند : شو حرامي الله يهديج هالدم من وين بيي ... وبعدين حرامي شمصلحته يسوي هالإزعاج كله
شيخة : تعالي نطالع من الدريشة الثانية
سارن رباعة صوب الدريشة الثانية وأول ما خوزن الستارة شافن ويه أبيض كله دم وعيونه مبققه وإبتسامة شر على محياه
هند وشيخة تمن يصارخن وهن يردن ورى
هند خلاص أعصابها تلفت وتمت تصيح أما شيخة فمازال المخ يشتغل عندها
شيخة : تعالي نسكر الباب بالمفتاح عشان ما يدخل
هند ما تحركت من مكانها بس شيخة تجدمت وهي ترجف مدت يدها للباب بس فجأة تبطل الباب ودخلت منه حصة أو الشبح
شيخة تمت تصارخ لأنها وايد قريبة منه وهنود من الخوف ربعت الحمام وسكرت ع نفسها الباب
حصة ما رامت تستحمل ونقعت من الضحك وشيخة بعد فترة إستوعبت إنها حصة وسارت
صوبها وتمت تضربها وحصة منسدحة ع الأرض من الضحك هند يوم حست إن شيخة يالسة
تضرب طلعت قالت بتشوف شو إستوى وطالعت حصة ع الأرض وكانت حصة راقدة ع
بطنها وتلتقط أنفاسها من الضحك أما شيخة فهي ما خلت شي م فلعت فيه حصة
هند : شو جتلتيه
شيخة بقهر : هذي حصيص ملعونة الصير
حصة ردت نقعت من الضحك وهي تشوف أشكالهم وهند من إستوعبت إنها حصة نقزت فوقها تضربها
--\\--
في بيت أهل حصة
أم أحمد وهي فاجه عينها : أحمد لا تلعب بأعصابي
أحمد : ليش بلعب بأعصابج ...... أخخخ بس خليني بس ألاقيها والله لا أمرغها بالعصا لين تتشهد وأعقها بالبر للجلاب والذياب
أم أحمد تنهدت : لا تمرغها ولا شي
أحمد : أميه تبيني أخليها جيه
أم أحمد : خل تنفعها الشوارع
أحمد وهو مستغرب : أمييييييه
أم أحمد : أنا ما عندي بنت إسمها حصة وإنت ما عندك إخت إسمها حصة
أحمد بعصبية : ونخليها جيه
أم أحمد : إسمعني إنته وإهدى
أحمد وهو يزفر بضيج : يمة تراج إنتي إلي لعبتي بأعصابي فهميني
ام أحمد : أنا أقولك إلي يطلع من البيت ما يرجع وإلي يبيعنا برخيص ما نشتريه بتراب
--\\--
عند ريم
كانت يالسه يدام التلفيزيون وفكرها مشتت بينه وبين وراشد إلي تأخر عليها اليوم
طالعت الساعة شافتها 7 المغرب نشت توضت وصلت المغرب
يلست يدام المرايا مسكت قلم الجحال ورسمت عينها كثرت من الجحال وايد
طالعت لبسها برضى كان حلو وهادي عدلت شعرها وطلعت تتريا في الصالة
هي ربع ساعة وسمعت صوت المفتاح يتحرك بالباب إبتسمت بترحيب له لما شافته يدخل
راشد : السلام
ريم إختفت إبتسامتها وإستنكرت نبرة صوته : وعليكم السلام
راشد عق عمره بتعب ع الكنبة : آآآآآه تعباااااااااان
ريم قامت وسارت صوبه ويلست عدال راسه : شفيك
راشد وهو يحك راسه : أفففففف شغل شغل شغل حشى الوالد مو مخليني أتنفس وإلا أحك راسي
ريم : ليش عاد
راشد : الشركات شكثر تنافسنا وشي شركة كله تاخذ المناقصات منا وأبوي معصب
يقول أنا درستك وصبرت عليك وصرفت عليك وإنت مو عارف حتى تشتغل عدل
ريم إبتسمت : ما عليه هذا كله لإنك توك متخرج وأكيد أبوك يبي يفتخر بك يدام الريايل ويقول هذا ولدي إلي يشتغل وياي ومكسبني ذهب
راشد : دخيلج لا يسمعج حد ويصدق بس
ريم : هههههه تصدق عاد أبي اشتغل أنا شغلني عندكم وأنا بكسبكم ذهب
راشد يلس بسرعة وصد صوبها : حلفي إنتي بس
ريم ضحكت : هههههه عيل ليش دارسة ومتعبة نفسي لا والأولى على دفعتي أنا لو أسير أي شركة بيشغلوني بشروطي بعد
راشد : قصورج بعد تشتغلين
ريم : يالله عاد
راشد : لا لا ما عندنا حريم يشتغلن
ريم : أففففففف لا تستوي معقد شغلني عندكم في الشركة ع الأقل أشوفك كل يوم
راشد طالعها بنص عين : هالكثر تحبيني تبين تشتغلين معاي
ريم قفطت : لا مب جيه بس أبي أطالعك صدق تشتغل وإلا تلعب هههههههههه والله مو متخيلتنك تشتغل وتفكر مووووول مو لايق هههههههه
راشد : تنكتين حضرتج إسمحيلي مالي خلق اضحك
ريم : جاملني زين
راشد : ما اعرف اجامل
ريم : ويا ويهك
راشد ابتسم : شو رايج نطلع نتعشى برى
ريم بفرح : صدق عاد
راشد : هيه حليلج تغمضين من متى ما غادرتي الشقة
ريم طالعته بنص عين : ما أدري منو إلي مقفل علي
راشد : أقول سيري سيري غيري ثيابج وإلا بغير رايي
ريم نطت : ويه ويه لالا ثواني بس وأيي
راشد إبتسم وإستناها تخلص ولما يت
راشد : وين الغشوة وإلا تبين تعرضين ويهج للريايل
ريم : راشد أنا ما أشووووف ما ينفع أتغشى بطيح ع ويهي أمبوني ما أشوف بعد أغطي عيوني عز الله رحت فيها
راشد : عيل ما شي روحة
ريم : يالله عاد والله تراني ما أشوف بتم أتخرطف
راشد : ما عليه أنا بمسكج سيري إلبسي غشوتج وإلا ترى ماشي سيرة
ريم وهي تحرطم : زين زين
وسارت يابت غشوتها ولبستها
وطلعت مع راشد
--\\--
في بيت بو سعيد
شيخة : هاج يبي لي هالأغراض من الجمعية
هند : إن شاء الله
أم مشعل : لا تروحين بروحج شلي حصيص معاج
هند : من عيوني
شيخة : شوي شوي بالطريج مو اطيرين
هند : ع أمرج
أم مشعل : مو تروحون منيه منيه الجمعية وسيدة البيت اليوم خميس والدنيا كلها بالشارع
هند : أوكيه
حصة : هههههههههههه والله شكلج يضحك وإنتي تهزين راسج .... ههههه إلي
يشوفج يقول دريول توه ياي وأربابه يالس يفهمه وهو يدخل من هني وإطلع من هني

هند : ما لي خلق أضحك ذكريني عقب
حصة : زين إجبري بخاطري وجامليني
شيخة : بسكن عن الهذرة وسيرو عسب تردون بسرعة
حصة : انا بلبس عباتي وياية

بعد شوي بالسيارة لما ركبو شافوا الريال إلي هاك اليوم كلم حصة فليل
هند : إندوج إنتي بس شوفيه كيف يخز يعل عيونه البط
حصة : تعرفينه هنود منو ها
هند : لا يا ختي حشى غبت 4 سنين بس وكل أهل الفريج ظهروا من الفريج
حصة : هيه أغلبهم طلعت لهم شعبيات يديدة
هند : عقبالنا يا رب
حصة : ما أتوقع
هند : إن شاء الله

إنتهى البارت الثاني عشر

**.♥. Ŝαŗõõŋα** الثلاثاء مارس 01, 2011 6:20 am

ऌॡ البـــــــــــــــــــارتـ ((13))ऌॡ

في المطعم في قسم العوائل
ريم عقت غشوتها بما إن المكان مسكر تمت تاكل بإستمتاع مع راشد
راشد : الحمد الله أنا شبعت
ريم : حتى أنا
راشد : أنا بسير الحمام شوي برد خليج جاهزة
ريم هزت راسها بالموافقة
لبست غشوتها ورفعتها تساندت بكوعها ع الطاولة و كفها شايل ويهها وهي
تتطالع الباب شوي وإلا حد يبطل الباب ع بالها راشد بس يوم شافت إلي ع الباب
إنصدمت وإكتمت شهقتها
والريال إلي كان مغلط لما إنتبه إنه مو كابينته قال : آسف بالغلط
وطلع وريم تمت تحمد ربها بسرها إنه ما عرفها وتنهدت براحة بس يمديها
الراحة تتربع بوسط صدرها لأنه رد مرة ثانية وهو فاج عيونه ع أوسعهن :
ريييييييييييييييييييم
ريم وقفت وهي تناظره بخوف
والريال يتجرب ويقول بغير تصديق : إنتي رييييييييييييييييييييييييم
ريم تبلع ريجها من الخوف وترد ورى والريال يتجدم
بس قبل لا يوصل لها دخل راشد إلي إنصدم من إلي يشوفه
ريم سارت عند راشد بسرعة وتمسكت بذراعة : راااااااشد
الريال : منو ها يالريم
راشد وهو يدز إيدين ريم عنه وهو مقهور : خوزي عني يالوسخة
ريم بخوف : راشد لا لا تهدني
راشد وهو يدزها صوب الريال : خله يشبع فيج يالحثالة
الريال مسك ريم من جتوفها ومن حس إنها قريبة منه لوى عليها وهو مو مستوعب
لوى عليها شوق ووله لهفة وحب هالحركة خلت كل شياطين راشد ينطوون يدامه
وقال بسرعة وبدون تفكير وبغيرة رجل شرقي : إنتي طااااالق
قالها وطلع
الريال إستوعب الموقف وإستوعب إن راشد زوجها وإنه هو كان سبب في طلاق ريم
قام بيلحقه بس ريم قالت بإستسلام : خلييييييه يا سالم خليييييييه هو أصلاً كان يبيها من الله

خلوه دامه راح لا تنشدونه خلوه يبعد لا تجيبون طاريه
باكر يجيني عبرته في عيونه ماهو على كيفه ولا عاد يمديه

الجرح لامن غاب يبرى بدونه أموت من جرحي بدونه ولا أجيه
ريم قالت ودموعها ع خدها : هذا أنا جدامك يا سالم بتذبحني إذبحني .......
بتضربني ( غصت بالكلمة وإختفى صوتها ) إضربني إلين تشبع ....... أنا خلاص
مليت من هالحياة ما أبيها كل من أحبه يضرني ويهدني خليني
سالم : إهدي وبنتفاهم في البيت
مسك إيدينها وسحبها معاه صوب السيارة وريم راحت وراه بطواعية وكانت تصيح قهر وتصيح من الكبت إلي عاشته
--\\--
في الجمعية
حصة : هنود شناخذ أي جبن
هند : خذي بوك ..... احب طعمه
حصة : بس بوك دينماركي
هند مو متفيجة لها : حصيص نحن قبل لا ناكل نقول بسم الله ..... ما بيستوي بنا شي
حصة هني نقعت من الضحك وعينها دمعت من كثر الضحك : ههههههههههههههههههههههههههههههههه
هند : إسكتي يالبقرة فضحتينا العرب تتطالعنا
حصة : وااااااااااااااااااااي ههههههههههههههههههه واااااااااااااااي هنود إنتي الصراحة شي أقولج دينماركي تقولين نقول بسم الله
هند : شدراني عنج
حصة : إنتي وينج أيام المقاطعة والحشرة إلي إستوت بالأمة الإسلامية
هند : أبوي مو وقت سوالف اللحين ..
وكملت تشراي وحصة تضحك شوي وتصخ شوي
هند : حوو إنتيي إيه حشرتينا تراج صخي يالبقرة الضاحكة
حصة : ههههه هنود والله مو قادرة طافج طافج
هند : شعندج بعد
حصة : شوفي هاك الريال إلي هناك
هند : وين وين
حصة تأشر : هناك
هند تضربها ع يدها : خس الله إبليسج لا تأشرين
حصة : هههه زين زين تشوفينه
هند : منو هالطويل
حصة : هيه
هند : شفيه
حصة : شوفي هناك صوب الثلاجات
هند : شوفيه ...؟؟
حصة : شوفي هايج إلي مسوية حفلة بعمرها
هند : ههههه بلاها
حصة : مواعدتنه
هند طالعته بنص عين : يالله عاد
حصة : شوفي شوفي النظرات إمبينهم شوفي خويتنا كيف تضحك وتتدلع
هند بدت تضحك : حشى قلن الأماكن ما لقن إلا الجمعية يتواعدون
حصة : لا دخيلج شوفي الأهبل والحركات إلي يسويها
هند : ههههههههههه يضحكون
حصة : ههههههههههههههه هيه والله
هند : ههههه إستغفر الله إستغفر الله طوفي طوفي نروح نحاسب
حصة : ههههه يالله

--\\--
في بيت سالم
بعد ما نزلت ريم مع سالم ويلسها سالم بالصالة ويلس يدامها يستناها تهدأ وريم تبكي إستعداد للي بيسوي لها سالم
بعد فترة
سالم : حشى درام دموعج ما خلص
ريم طالعته بإستغراب وهي تشهق بخوف وقهر ع حالها
سالم قام وقرب لها وريم بدت ترجف ويوم حست إنه قرب غمضت عينها من الخوف

بس فاجأتها ردة فعل سالم إنه لوى عليها وهو يمسح على ظهرها بحنان
ريم إنهارت زيادة ودفنت ويهها بصدره وهي تصيح
سالم : بس بس خلاص
ريم بعدت عنه وهي تشهق
سالم وهو يمسح على شعرها : خلاص أبوي بسج صياح
ريم : أنا أنا
سالم إبتسم : ما عليج مو اللحين نتكلم نتكلم لما تهدين
ريم طالعته بإستغراب : ما بتضربني
سالم هز راسه بلا : ليش أضربج
ريم طالعته بإستغراب أكثر : إنت سالم إخوي
سالم رد لوى عليها : أنا سالم أخوج وأنا سالم أبوج وأنا سالم أمج .......... سامحيني يا ريم
ريم إنهارت صياح : إنت وينك .... من زمان أدرو في وجيه الناس عنك وجه وجه وجه ولا لقيتك
( أشرت ع البيت ) في زوايا البيت أدور في الشوارع في الصباح إلي تشرب
غترتك ( وأشرت بزاويه في البيت كان سالم ييلس فيها الصبح ) في المكان إلي
فرشته بالجريدة وتقرى كل صباح قهوتك
إنت وينك
تسأل الأشجار عنك لما ترمي فوق ظلها كل ظلك
لما تسقيها بدمك هي تبلك
تنحي لك تدري إنك لو تغيب ينكسر طير وتموت
إسأل الأيام عني
وإلا تدري إسأل نعاس تكسرمن صباحك في ورييدي
إسأل شفاهن هجرها من بعادك ماي بارد
ليه تتركني أتوسل وأتسول في عيون الناس أنا أطلب منهم حفنة حنان
إنت وينك

سالم : أنا هني موجود
ريم لوت عليه بقوة : تعرف شكثر كنت أبكي لما كنت تضربني مو بسب الألم
الجسدي أبداً عمري ما بكيت لهالسبب كل دمعة كانت تنزل من عيني كانت تنزل
عشاني كنت أحس إني أفقدك في كل مرة في كل مرة أخسر إخوي عزوتي سالم الحنون
يوم عن يوم يموت وسالم القاسي يعيش
سالم : سامحيني يا وخيتي
ريم : إنت إلي سامحني يا سالم ........ سامحني إني هربت من البيت .... سامحني إني كسرت كلمتك سامحني إني نزلت راسك بين العرب
سالم وهو يرفع راسها : إنتي عمرج ما نزلتي راسي ....... إنا فخور إنج إختي
ريم : بعد ما هربت من البيت
سالم : كنت أعرف إنتي وين
ريم : شووو ..؟؟
سالم إبتسم : يمكن في البداية عصبت يوم شردتي وإنقهرت أكثر لما عرفت إنج مو
في البلاد طرشت واحد يدورج بالبحرين وقالي إنج عايشة مع بنات وإنج ما
تعطين حد ويه وكله بين كتبج وبين البنات إلي عايشة معاهم
ريم : كنت تعرف
سالم إبتسم : عيل تتحريني بخليج جيه بدون ما أدور عليج
ريم : وشو تعرف بعد
سالم : أممممممم أعرف إنج الأولى ع دفعتج وأعرف إنج عشتي عيشة تقشف هناك
ريم ضربته ع صدره : ويا راسك جان ساعدتني
سالم : ههههههههههههههه كنت ناوي بس إنشغلت وجيه وبعد فترة يوم طرشت حد
يدورج واييب لي اخبارج قالي إنج مو موجودة وإنه مراقب الشقة صار له مدة
ويسال الجيران وإنتي مو موجودة
ريم : متى هذا
سالم : قولي قبل كم شهر
ريم : كنت عند راشد
سالم : زوجج
ريم : قصدك طليقي
سالم : وليش تزوجتيه
ريم : آآآآآآآآآآآه يا سالم كنا نمر بفترة ما يعلم بها إلا الله وماكان يدامي حل إلا إني أتزوجه
وقالت له السالفة
سالم : أنا برد له كل فلوسه أفا عليج
ريم إبتسمت

تمضي الليالي الليالي والزمن فينا يدوور
ويبقى الشعور بداخلي نفس الشعور
ياخوي ياعزوتي ياضحكتي وبكاي
يامن على فزعتي يمينه فـ يمناي ..
--\\--
في بيت بو سعيد
هند وحصة كانن يسولفن بحجرة هند
هند : تصدقين حصيص تولهت ع ريامي
حصة بضيجة : شياب طاريها
هند طالعتها بإستغراب : مهما كان ريمو بتم شرات إختنا
حصة تغير الموضوع : أنا يوعانة تبين أسوي لج سندويش وياي
هند : يا ليت
حصة قامت صوب المطبخ تسوي السندويش

ضايق من الحكي عنك وتشعل سيرتك ناري
وأحس بضيقة بصدري إذا لك مر أي طاري
كرهتك إنت وأيامك وأنا باقي بعيني دموع
لو دار الحكي عنك أحب اغير الموضوع

سوت السندويشات وسوت عصير وسارت عند هند
هند : تسلمين حبوبة
حصة : حاضرين للطيبين
هند : حصيص شرايج نسير السطح ونيلس هناك
حصة نقزت : يالله وناااااااسة
شلو عفشهم وإنتقلو السطح
حصة : يا سلاااااااااااام الجووووووو غرااااااااااااااام
هند : هيه لا
حصة : هنودة باجر يمعة
هند : أدري
حصة : يعني بنطلع
هند : وين تبين ..؟؟
حصة : أمممم أي مكان م مشكلة
هند : إندوكم إنتو بس صدقت هاي إني بوديها
حصة : أفا
هند : يالله زيييييييين مستوية دريولية البيت وأنا ما أدري
حصة : تدرين شو بخاطري
هند بملل: شو
حصة : الممزر
هند تحمست معاها : هيه والله تصدقين حتى أنا
حصة : وناااااااااااااسة
هند : بس ما بسير لين دبي لا وآخر دبي عسب ساعة وأرد
حصة وهي تضربها ع جتفها : يالله عااااااد
هند : يصير خير
حصة : هنود شرايج نلعب
هند : شو
حصة : نغني
هند : عاد أنا مو وايد مع الأغاني
حصة تغني وهي تسوي لها طاف : في يومن همست في إذني من يمسح عن قلبي حزني يرجعني خضراء اللون أعشاشاً لأطيار
هند تغني معاها : لحديقتنا في قريتنا باب ولها أسوار لا يعلم أحدن ما فيها تخفي عنا الاسرار
أقبلت بجد أرويها أسقي الأشجار أحيها وغدا من اجمل ما فيها زهرٌ لا كالأزهار
هند وهي توقف : دوري دوري
حصة : إندوكم إخترشت الياهل
هند وهي ترقص بإستعباط وتدور حول نفسها : هل تعرفون من هو همتارو مخلوقن حلون صغيرن همتارو
يعيش في بيتن لطيف يدور في دولابن خفيف
الأصدقاء يحبون هماترو وبالإخاء يبادلهم همتارو
--\\--
نخلي خبال هذيلا الإثنين ونسير صوب ريم
باجر نشت ريم وحست بلذة في هالنومة من زمان ما طعمتها أكيد مو هي تمت بحظن
إخوها ليييييين نامت عقب هو شلها حجرتها فتحت عينيها في البداية إستغربت
المكان عقب تذكرت إلي إستوى لها وإبتسمت شافت الغرفة بإعجاب سالم كان مغير
لها أثاث الحجرة كامل فتحت الكبت لقته ممزور ثياب من كل الماركات خذت لها
بيجاما بيت عادية بس حلوة دخلت الحمام سبحت عقب نشفت شعرها ونزلت تحت لقت
سالم مشغول بأوراق كثيرة حتى إنه ما إنتبه لها قربت صوبه وباست راسه
رفع سالم راسه وإبتسم لها : صباح الورد والياسمين
ريم : صباح الخير والنور والسرور يا أحلى أخ في الدنيا
سالم رجع نظره للأوراق : سيري أفطري
ريم : ما بتفطر معاي
سالم : لا فطرت قبلج
ريم سارت فطرت وردت تتطالعه
سالم رفع عيونه : شفيج تتطالعيني جيه
ريم : ماشي
سالم : تعالي تعالي ساعديني
ريم نطت ما صدقت إنه ناداها
تم يفهمها بالشغل وبالأوراق إلي بين يدينها وإنها أوراق مناقصة وإن رست
عليه بتكون مكانته بالسوق وااااايد عاليه وبتزيد الأرباح والدخل وإلخ إلخ
طبعاً بحكم إن خويتنا دارسة بزنس فتمت تعاون أخوها وإقترحت عليه كم من فكرة سالم عيبته كل الأفكار
سالم : فديتج والله أفكارج عجيبة
ريم بغرور : لازم مو أنا الريم مو أي أحد
سالم : أوهو عاد بدت الخقاقة منو بيسكتها
ريم : سالم ...
سالم : هههههه أسولف أسولف ههههه
ريم ردت تعابل بالأوراق إلي يدامها
سالم :شرايج تشتغلين وياية
ريم تشققت : صدق
سالم : هيه صدق
ريم : وناااااااااااسة ( قالت بحيرة ) وعادي عندك جيه أشتغل بين الريايل
سالم : طبعاً مو عادي أنا بخلي لج مكتب خاص مفتوح على مكتبي ومحد يدخل عليج إلا لما يمر علي وأنا إلي بوديج وأنا إلي بردج
ريم : خيبة خيبة خلاص إبوي هونا ما نبي الشغل
سالم : ههههههههههههه لا لا صدق أبيج تعاونيني
ريم : خل تخلص عدتي ويصير خير
سالم : الله يعينج
ريم : جميييييع
سالم : تعالي تعالي ع طاريه ( طلع شيك من جيبه ) جم المبلغ إلي صرفه عليج
ريم : ما أعرف يا إخوي
سالم : يكفيه 100 ألف
ريم : وزود بعد
سالم كتب الشيك : ما عليه أنا أعرف شركة أبوه بسير هناك باجر وبعطيه الشيك
--\\--
يا قلب ياللي ورثك اجـروح وآلام ..
.. بليتنـي ماهـو بانـا اللـي بليتـك
ولعتني من عادني في الهوى" خـام"
.. واسرفت بي وانا خطامـك عطيتـك
طعتك وزبدة طاعتـك هـم وهيـام ..
.. مالله كتب لي واستخرت وعصيتـك
لوللقلـوب اسـواق بايـع وسـوام ..
.. لاابدلـك وان جيتنـي ماشريـتـك
إنتهى البارت الثالث عشر

**.♥. Ŝαŗõõŋα** الثلاثاء مارس 01, 2011 6:29 am

ऌॡ البـــــــــــــــــــارتـ ((14))ऌॡ

ريم : سالم أبي منك خدمة
سالم رفع عيونه لها : آمري
ريم : البنات إللي كنت معاهن هند وحصة
سالم : بلاهن
ريم : أبي أعرف هن وين
سالم : ليش إنتي ما تعرفين هن وين
ريم هزت راسها بلا : ما أعرف
سالم : من عيوني
ريم : تسلم
سالم : عطيني إسم وحدة منهن
ريم : هندالــ
سالم : بنت بو سعيد
ريم طالعته : كيف تعرفهن
سالم : هني في فريجنا الله يهديج
ريم بوناسة : صدق
سالم : هيه سمعت إنها يت من البحرين
ريم : من منو سمعت وشو سمعت بعد
سالم : سمعت إنها كانت مع خالتها ما أدري شو تستوي لها ويت ويابتها ... حليلها إبوها مات قبل فترة
ريم طالعته بصدمة : صدق
سالم : هيه
ريم : زين أنا أبي أساعدهم
سالم : كيف تبين تساعدينهم
ريم : هنود تحب تصمم ودي أفتح لها خياط حلو مرتب وأييب لها عماله تساعدها
سالم : غاليه والطلب رخيص
ريم بوناسة : صدق
سالم : هيه
ريم : بس سالم تكتب المحل بإسمها
سالم : ليش يعني
ريم تمت تقوله قصة أم مشعل معاهم
سالم : أها جيه السالفة
ريم : هيه
--\\--
عند راشد
كان حاط راسه ع المكتب وكل تفكيره في ريم كان مقهور من تسرعه ومقهور
واااااااايد بعد تنهد بقوة المشكلة إنها ما ردت الشقة ولا خذت أغراضها
وأكيد سارت مع هاك الريال
قطع عليه تفكيره دخلة إخوه سهيل
سهيل : مرحبا راشد
راشد رفع راسه : هلا سهيل
سهيل : إبويه يباك في المكتب
راشد رجع ظهره ع الكرسي : شو يبي
سهيل : ما أدري شكله وااااايد جدي
راشد عقد حياته : ما تعرف
سهيل : ما أعرف بس السالفة فيها مروة
راشد بإستغراب : مروة ...؟؟؟
سهيل يغمز له : شكله الوالد عزم يووزك
راشد وقف وسار صوب إبوه وهو يفكر وفعلاً كانت السالفة عن مروة وإن إبوه يبيه ياخذ بنت عمه مروة
راشد : بس أنا ما أبي
بو راشد : رويشد أنا كلمتي قلتها بتتيوزها يعني بتتيوزها
راشد : إبويه أناريال موب ياهل تغصبني
بو راشد : تردادني
راشد : لا يبا موب قصدي
بو راشد : عيل شعنه رافض البنت حلوة وما فيها شي وبنت عمك سترك وغطاك
راشد : يبا مروة على عيني وعلى راسي بس أنا مو متقبل الفكرة أساساً
بو راشد طاله بنص عين : أتحرى عندك سالفة
راشد : يبا
بو راشد : لا يبا ولا يما عندك رمسة عدلة قولها ما عندك أنا رمستي موب ثانيها
راشد قام مقهور من عند أبوه
سهيل : شو سبع وإلا ضبع
راشد : زول عني لاا .... مو متفيج لك انا
سهيل اطالعه بإستغراب : راشد شفيك
راشد ما سواله سالفة مر بمكتبه بيشل سويجه وبيطلع من الشركة قاله السكرتير إن ريال يبيه
راشد : مو فاضي عطيه موعد باجر
السكرتير : يقول إن الموضوع مستعجل وما يحتاج وقت بيعطيك شي وبيروح
راشد يلس ع الكرسي وإستغرب : خليه يدخل
شوي ودخل سالم بطوله الفارع وشخصيته الرزة
سالم : سلام عليك
راشد طالعه وعينه مفتوحة : لا سلام ولا شي ........ شعندك ياي
سالم طالعه بإستخفاف طلع الشيك من جيبه وحطه على مكتب راشد : ما يكفن وإلا أزيدك
راشد يطالع المببلغ وهو مصدوم
سالم طلع دفتر شيكاته : جم تبي
راشد : شقصدك
سالم : إلي صرفته ع الريم وخسرته عليها جم تبي عليه
راشد : والله فوق شينك قواة عينك بعد ياي لين عندي
سالم : أنا ريال مشغول وما ابي اضيع وقتي معاك
راشد : أنا إلي مسوي لك سالفة ومضيع وقتي معاك
سالم تنرفز : من الآخر لو سمحت جم تبي
راشد : تشتريها مني
سالم : لا أشتري كرامة وعزة نفس إختي منك
راشد اطالعه بصدمة : شوو
سالم كمل بدون ما يطالعه : أشتري كبريائها إلي كسرته لما خذت واحد شراتك
راشد : إختك
سالم : هيه إختي
راشد بهجوم : وإنت مع إختك رغم إلي سوته
سالم : وشو سوت ما كفرت ولا شي
راشد : إختك شاردة وإلا نسيت
سالم طالعه بنص عين : وإلي يروح يدرس برى بلاده يعتبر شارد
راشد : هاه
سالم : من قال هاه سمع تراك أخرتني جم تبي مقابل إللي سويته
راشد : ما أريد شي
سالم حط الشيك الأولي بالطاولة وطلع بس قبل لا يظهر قال : إحلم ترد لك الريم
--\\--
ريم : سالم
سالم : هلا
ريم : فديتك أبيك توديني المستشفى
سالم بخوف : ليش فيج شي
ريم بحيا : لا بس العادة تأخرت شهرين وأبي أراجع
سالم : أها خلاص لبسي عباتج و أنا بترياج بالسيارة
في المستشفى
الدكتورة : إنت جوزها
سالم : لا إخوها
الدكتورة : البت متجوزة
سالم : ليش شفيها
الدكتورة : أختك حامل
سالم بدهشة : حااااااااااااامل
ريم ياية من غرفة الفحص : شفيك سالم
الدكتورة : مبرووووك ياا ستي إنتي حامل
ريم حست الارض ما تشيلها من هول الصدمة تلاحج عليها سالم وسندها
الدكتورة هبت عندها : فيكي إيه يا بنتي
ريم وهي توقف عدل : ما فيني شي
الدكتورة ترجع مكتبها وتاخذ الوصفة : هذي فيتامينات لازم تاخذيها
خذى الوصفة سالم وطلع وهو ساند إخته
في السيارة
سالم : مبرووك يا ريم
ريم : أي مبروك أنا هالولد ما أباه ما أباه
سالم قال بحدة : رييييييييييييم إستغفري ربج وهذا ولدج
ريم بكسرة وضعف : ما أبيه سالم ما أبيه ... ما أبي أرد لأبوه ما أبي
سالم : لا تحاتين ما بتردين له دامني معاج
ريم : توعدني
سالم : هيه
--\\--
حصة : هنود
هند : هاه
حصة : ويعاه ويا هالراس غيري إسلوبج إنتي بتعرسين اللحين
هند : شعندج ما تشوفيني أتابع المسلسل
حصة : وينه ذياب .... صار له فترة ما يا
هند : أنا قلت له لا ايي
حصة : شووو وليش قلتي له لا ايي
هند : بس جييه ......يا إختي طفر بي كل يومين ناط لنا ,,,, الناس بتتكلم عنا عقب
حصة بإستهزاء : ومن متى راي الناس يهمج
هند : حصيص زولي عني أبي اتابع المسلسل
حصة : مالت عليج إنزين ....... إنتي جيه بتضيعين الريال من بين إيدينج
هند : أوووووووووف أووووووووف حصيص إذا عايبنج هالكثر خذيه ما أبيه
حصة بعصبية : وحلاوة هو وإلا بسكوت عشان أخذه ...... وإنتي هذا تفكيرج فيني
أنا أبي لج الخير مع ريلج ما أباج تغدين شراتي أبيج تفهمين الريال مو

هند قاطعتها : عشتو ,..... وبتنصحيني يعني إنتي لو كنتي فاهمه جان ما تطلقتي
حصة حز بخاطرها كلام هند هذا وهي الوحيدة إلي تعرف السالفة كاملة حتى ريم
ما قالت لها كل التفاصيل مثل ما قالت لهند نشت حصة بقهر وسارت صوب الحوي
ويلست تفكر بكلام هند والأفكار توديها وتييبها

إلي ما كانت تعرفه حصة إن هند تغار على ذياب من حصة هي تلاحظ نظرات ذياب
لحصة وكأنثى ما ترضى إن ريلها يطالع غيرها عشان جيه قالت لذياب يخف ريله
لين ما يملجون

نرد لحصة شافتها شيخة
شيخة : شفيج حصيص
حصة : هاه ... لا ما فيني شي
شيخة : حصيص أنا أبي أمشي شوي بسوي رياضة تيين وياية
حصة : وين نمشي
شيخة : هنه في الفريج
حصة : ما عندي مانع بلبس عباتي وشيلتي ويايتنج .. ( قامت عقب سئلت شيخة ) بس إنتي مو بالعدة
شيخة : شفيج صاري جم يوم طالعة منها
حصة : أها
وسارت وردت بعد دقايق
شيخة : يالله عيل نمشي
وطلعو يمشون بالشارع من فريج لين فريج
حصة : أقول نحن وين
شيخة وهي تتطالع البيوت : ما أدري يا وخيتي
حصة وقفت : حلفي إنتي بس
شيخة : أول مرة ادخل هالفريج
حصة : شكله وايد راقي
شيخة : هيه لا
حصة ما كانت متغشية أساساً الشارع ما به حد وهي إن شافت حد تغشت
شيخة : تعبت يا وخيتي أبي ماي
حصة : شيخة ما تسمعين إلي أسمعه
شيخة شهقت : يمااااااا جلب
حصة : إهدي إهدي ....... تحسينه جريب منا واااااايد
شيخة لفت ع ورى ببطء وصبت عظامها لما شافته وراها بس بعيد شوي : شنسوي
شيخة : يمااااااا أنا خايفة
حصة : إهدي لا تحسسينه بإنج خايفة ومرتبكة بيتم ورانا
شيخة صدت ورى مرة ثانية شافته يمشي صوبهم هني خلاااااااص ما رامت وتمت تربع ويوم صدت حصة وشافت الكلب ربعت ورا شيخة
والجلب هني إلا إلا يلحقهم وما حسن بعمارهن إلا وهن داخلين بيت حد من العرب ومسكرين الباب وراهم

حصة تنهدت من الخاطر : حشى ما بغينا نفتك من شره
شيخة : حصيص نحن وين
حصة تتطالع البيت : ويه ويه دخلنا بيت العرب
شيخة : وافضيحتي
حصة : شنقول للعرب
سمعن صوت من وراهن وكانت الخدامة يايبة لهن ماي
حصة وشيخة إستحن
حصة : ثانكيو
الخدامة : ماما تقول إدخلوا داخل
شيخة : شنسوي
حصة : ما أعرف أنا مستحية والجلب مسنتر عند الباب
شيخة : خلنا ندخل ونقولها السالفة
حصة : يالله
دخلوا وكانت الصالة عودة وحلوة
شيخة : بيتهم حلو
حصة : واااااااايد
حصة كانت تتطالع البيت وما إنتبهت للحرمة إلي نزلت من الدري وشيخة فجت
عينها من جمالها كانت لابسة فستان صيفي ناعم للحوامل يوصل لنص الساق وشعرها
المسرح ومنسدل ع أجتافها وقذلتها إلي رافعتنها عن ويهها ملامحهها جميله
ورقيقة
شيخة دقت حصة بكوعها وقالت : طالعي الجمال
أول ما صدت حصة وطاحت عينها بعين ريم قالت : ريــــــــــــــم
ريم إبتسمت ومشت صوبها وأول ما وصلت لها حظنتها وحصة بعدها مصدومة بريم
شيخة : حصيص تعرفينها
حصة طنشت شيخة وهي تشوف ريم : هذا بيت راشد
إختفت البسمة من محيا ريم : لا هذا بيت إخوي سالم
حصة فجت عينها : رديتي لسالم
ريم هزت راسها بإيه
حصة : وراشد
ريم : طلقني
حصة وهي تحط إيدينها ع بطن ريم : ووهذا
ريم تنهدت : شاسوي ......( قالت بصوتها الجميل ) خلنا مني طمني عليك ما أنام الليل من خوفي عليك
حصة بتهكم : يبين ما تنامين الليل مو إنتي إلي ودرتينا
ريم بإستغراب : ودرتكم ..؟؟؟ حصيص راشد قالي إنكم رديتوا وما فكرتوا فيه
شيخة مستغربة السالفة وريم ما حبت تتكلم يدامها
ريم : تفضلن يلسن
شيخة يلست بسرعة
حصة : شيخة يالله بنرد البيت
ريم : حصوووو شفيج ..؟؟
حصة : أنا ما فيني شي إنتي إلي شفيج ما صدقتي عرستي ونسيتيني
ريم وهي تسحبها للحجرة الثانية عشان تبعد عن شيخة
حصة سحبت يدها : ودريني
ريم : حصو شفيج إنتي أنا شسويت لج
حصة : مو إنتي إلي قلتي لنا بردكم البلاد ونحن البهايم صدقناج وإنتي سافرتي
مع ريللج وسويتي لنا طاف لا ومطرشة راشد يقولونا إنج تبين ننهي العلاقة
ريم بإستغراب : أنا متى قلت جيه أنا راشد قالي إنكم سافرتو وطرشتوا لي جوازي
حصة : ليش إتي ما سافرتي قبل ما نعطيج الجواز
ريم : كيف بسافر يعني
حصة : عيل ليش جيه قال
ريم بقهر : ما أدري
حصة : وين كنتي عيل بهايج الفترة
ريم بقهر أكثر : حبسني بالشقة
حصة فجت عينها : حبسج
ريم : هيه
حصة : حقير إسبوع وهو حابسنج
ريم : هي يت ع الإسبوع أنا هالثلاث شهور إلي كنت فيهن على ذمته وهو بس حابسني
حصة : وليش طلقج
ريم : سالفة بعدين أقولج إنتو شحالكم شحال هنوده بعد موت أبوها
حصة : كيف عرفتي
ريم :سالم قالي
حصة : راشد يدري باللي بطنج
ريم : مو لازم يدري أنا ما أبيه
حصة بصدمة : خيييييييير
ريم : بويهج والله لو مو سالم محلفني ما أسوي له شي جان جتلته
حصة : إنتي مو ريم إلي أعرفها مستحييييييييييل تكونين ريم
إنتهى البارت الرابع عشر

**.♥. Ŝαŗõõŋα** الثلاثاء مارس 01, 2011 6:34 am

ऌॡ البـــــــــــــــــــارتـ ((15))ऌॡ

السكرتير : في واحد برى يبيك ضروري
راشد : منو هذا
السكرتير : ما أعرف إسمه بس هو مرة يا هني
راشد إحتار : ضروري
السكرتير : إهو يقول ضروري
راشد : خليه يدخل
السكرتير : إن شاء الله
ثواني ودخل سالم على راشد
راشد وهو رافع حاجب : هذا إنت
سالم : إيه أنا
راشد : خير شتبي
سالم : عندي سالفة بقولها لك
راشد : ما منبينا سوالف
سالم : وين تبيني أقولك السالفة هني وإلا نطلع لنا كوفي
راشد عقد حواجبه : لهالدرجة السالفة مهمة
سالم : لا ترد على سؤالي بسؤال
راشد خاف حد يسمعه من إخوانه أو عيال عمه إلي معاه بالشركة فقال وهو يشل سويجه وتليفونه : طوف نطلع برى
وأول ما طلعوا من المكتب كان بويهم بو راشد
بو راشد : السلام عليكم
راشد وسالم : وعليكم السلام .
بو راشد : شحالك يا سالم
سالم : بخير من صوبك
بو راشد : بخير ربي يعافيك .... شعندك مع راشد
سالم إبتسم بخبث وراشد من لمح الإبتسامة بغى يموت فقال بسرعة : يبا هذا ربيعي
بو راشد : أها وين سايرين
سالم : ما شي يا بو راشد سايرين نشرب كوفي ورادين
بو راشد : أها
وسارو
راشد : إنت من وين تعرف إبويه
سالم :هو بعدين يقولك
راشد إنقهر من إسلوبه
سالم : تركب سيارتي وإلا ...
راشد : برايك .. بلحقك بسيارتي
سالم إتجه صوب سيارته وساقها ولحقه راشد وسارو صوب الكوفي
راشد : شعندك
سالم : ريم
راشد قلبه خفق من نطق إسمها وسكت يتريا سالم يكمل كلامه
سالم : حامل
راشد فج عينه ع أوسعهن : شوووو
سالم : ريم حامل
راشد : أنا ثلاث شهور من طلقتها و ...
سالم يقاطعها : قبل لا تطلقها بشهر حملت ومن شهرين درينا إنها حامل وهي اللحين بالرابع
راشد بغصة : بس أنا هالياهل ما أباه ....... شحقة ما قلتولي من قبل عشان نطيحه
سالم بعصبية : إحلف إنت بس ....... هذا بشر بعد وإن جان ربك ما كتب له عمر
فبيموت سواء كان في بطن إمه وإلا يوم يطلع للدنيا موب إنت إللي تتحكم جان
بيعيش وإلا لا
راشد : بس أنا أبوووووووه ........ ( بعد ما هدى شوي من نفسه ومن إنفعلاته ) والمطلوب اللحين شو
سالم : شوف أنا مو ياي أترجاك ولا شياته أنا بس اقولك إنها حامل عشان إنه حرام إنا نكتم إلي في البطون
راشد طالعه بنص عين : زين أنا ما أبي هالياهل ولا أبي أرد ريم لأني بعرس جريب
سالم : ومن قالك إن ريم تباك إن كنت عايفها مرة فهي عايفتنك مية مرة ..... ولعلمك هي بعد ما تبي هالياهل لأنه منك
راشد ببرود : يوم أنا ما أبيه ولا هي تبيه تام في بطنها ليش
سالم قام بعصبية : إن جانكم ما تبون عيال ...... فغيركم شفقان ع روياهم وما حصلو مبتغاهم
مشى عنه بعد ما سار للجرسون ودفع الحساب
راشد إنقهر من حركته وطلع ركب سيارته حط راسه ع الدرسكيون وتم يفكر
--\\--
هند ببرود : حصة تبين تتغدين
حصة : لا ما أبي شي
هند : برايج
حصة كانت تفكر
هند وهاذاي هي بين أهلها وريم عند إخوها بعد كل إلي استوى لها إخوها معززها ورازها
وهي أهلها بصوب وهي بصوب
تنهدت بضيج : آآآآآآآآآآآآآآه
هند ردت تركض : حصيص
حصة خافت : شفيج
هند وهي تسحب إيديها تعالي شوفي شو في التلفيزيون
حصة نطت وراها وشافت قناة سبيستون وصوت ريمي وهي تقول
أنتي الامان أنتي الحنان من تحت قدميك لنا الجنان
عندما تضحكين تضحك الحياة تزهر الامال في طريقنا نحسن بالأمان
أمي أمي أمي نبض قلبي نبع الحنان
أنتي الامان أنتي الحنان من تحت قدميك لنا الجنان
من عطائك تخجلين أبدأً لم تتململين ياشمعة دربي
يا بلسم الزمان
أمي أمي أمي نبض قلبي نبع الحنان
( دمعت عيون حصة عمرها ما حست بحنان أمها )
قالت بجفا لهند : حسبالي عندج شي
وردت الحجرة تغطت باللحاف وبدت تصييييييييح قهر
تذكرت لما كانت ياهل
كانت هي البنت الوحيدة بين 3 أولاد أكبرهم أحمد وعقبه عبدالله وإلي أصغر منها علي
أحمد متزوج وعنده سلطان وسيف وسعيد
وعبدالله بعد وعنده مايد وومريم
أما علي فبعده صغير
فهايج الفترة كان أحمد وعبدالله توهم معرسين وكانو ماخذين بنات عمهم أسماء و شهد
وكانت أمهم دوم تسوي لهم عزايم شما كانت ربيعتها وطبجتها ما تفترق عنها موووووول بس على عكس حصة كانت شما محبوبة بين الكل إلا حصة
أم أحمد : حصة سيري المطبخ خلي سياني تغرف لج الغدى
حصة : بس أنا أبي آكل وياكم هني
أم أحمد : قصورج بعد تاكلين ويانا إنتي ما تبين الناس تاكل وتلوع جبدها لما تشوفج تبلعين
حصة : زين خلاص بروح .... يالله شما تعالي
أم أحمد : لا شما تمي عند أمج
هاك اليوم حصة ما تغدت وكانت متغصصة من أمها

ذكرى أخرى
حصة كانت مسخنة وتصب عرق من كثر الحمى والسخونة كانت تمشي بثقل تبي تسير تقول لأمها ويا دوب تفتح عينها
حصة : يما .... أنا
أم أحمد تقاطعها وهي تحط إصابعها على أنفها : أففففف انا جم مرة قلت لج لا تييني وإنتي جيه عرقانة ووريحتج خايسة
حصة : بس أنا
أم أحمد : سياني سياني تعالي سبحي حصة
يت سياني وسحبت حصة وسبحتها وبعد السباحة يوم كانت تلبسها حست بها حارة رغم
إن الماي كان بارد حست يبهتها وشافتها حارة وايد تلاحجت عليها وسوت لها
ساندويش وعصير وشربتها الدوا بهاك اليوم حصة مسكت سياني وقالت لها
حصة : سياني أنا أحبج وااااااااايد أكثر عن أمي .. أنتي تسبحيني وتلبسيني
تمشطين شعري تأكليني وتشوفيني إذا مرضت ... تلعبيني وتوديني الحديقة عشان
ألعب ......أنا واااااايد أحبج أبيج إنتي تكونين أمي
هاك اليوم سياني صاحت وهي تحضن حصة وبو أحمد سمع بنته وهي تقول جيه للخدامة
وإنقهر على بنته وحيدته وصار بس يرد البيت ييلس مع حصة ويسمع سوالفها وما
يطيع ياكل إلا لما تكون بنته عداله ولا يطيع يرقد إلا لما يشوفها رقدت كانت
كل دنيته لين الله خذ أمانته
--\\--
العصر لبست حصة بتروح لريم مرت على هند وقالت لها عشان تخاويها
هند إلي إستانست بس وناستها إن حصة بتطلع لأن ذياب وأهله بييون اليوم
يخطبونها رسمي وما تبيهم يشوفون حصة لأسباب كثيرة أولها إنها ما تعرف شتقول
إذا قالوا لها منو هذي وتخاف يصرفون عنها النظر ويحولون عليها
هند : لا مالي بارض
حصة : برايج
هند : حصيص
حصة : شو
هند : باتي عند ريم اليوم
حصة حز بخاطرها رمسة هند حست إنها ما تبيها وعافتها قالت بباتسامة مصطنعة : كنت ناوية يالله أشوفج باجر
هند : سلمي
حصة : إن شاء الله
حصة طلعت وسارت المطبخ شافت أم مشعل وشيخة يسون الفوالة : شعندكم
أم مشعل : اليوم ذياب بيي وأهله بعد بيخطبون هند رسمي
حصة حست بطعنة بصدرها عرفت ليش هند قالت لها باتي عند ريم : أها أنا بسير عند ريم مواعدتنها
شيخة : روحج بتمشين لين هناك
حصة : لا مطرشة لي الدريول
طلعت ركبت مع الدريول وسارت بيت ريم إلي كانت تترياها بالصالة
أول ما دخلت حصة وبعد ما سلمت على ريم
ريم : شفيج حصيص
حصة بدت تصيح بقهر
ريم : حصو ... حصيص ... حبيبتي شفيج
حصة بدت تقولها شو صار
ريم : حبيبتي خلاص لا تصيحين
حصة : حاسة إنها عافتني ما تبيني أقعد معاها حتى شيخة جيه نظراتها أنا خايفة شيخة تعرف أهلي أخاف تقولهم وإلا شي
ريم : شرايج تيين عندي هني
حصة : لا لا وين أبي
ريم : حبيبتي والله بالعكس بتسليني سالم كله بالشركة
حصة :مستحيل
ريم : فكري عقب ردي علي
حصة : يصير خير
ريم : حصيص أبيج تسيرين معاي العيادة
حصة وهي تحط إيدينها ع بطن ريم : نطمن على حصة الصغيرة
ريم :ههههه عندي موعد وبعد ظهري وايد يعورني ابي أراجع
حصة : طوفي عيل سيرينا
ريم : لحظة بسير أييب عباتي
حصة : ما تقولين ظهرج يعورج خلي الخدامة تييبها
ريم : صدقج والله
نادت الخدامة ويابت لها العباة من فوق وطلعوا مع الدريول صوب العيادة حصة تمشي يم ريم وهي تحط على فلان وعلا علان
ريم : إستغفر الله هههههه حصيص بسج قطعتي الأوادم

حصة وهي تتدز باب العيادة عشان ريم تدخل : أقول إدخلي إدخلي بسج مواعظ
ريم دخلت وهي تضحك على خفيف يلست عدال حصة بعد ما أكدت الموعد ودخلت ملفها عند الدكتورة
حصة : شوفي الأوادم تيي مع ريايلها مو إنتي يا حظي ياية معاي
ريم : إلي يسمعج عاد عندي ريل
حصة : مسكين حالج
ريم : دخيلج
حصة : تصدقين كان خاطري أحمل وييبني خالد هني
ريم حطت يدها ع فخد حصة : ما عليه إن شاء الله بتيين مع ريل أحسن عن خالد بمية مرة
حصة : إن شاء الله
ريم : شوفي هذيج كيف تتطالعج
حصة رفعت نظرها وين اشرت ريم وإنصدمت : هذي شما بنت عمي
ريم : أونه
حصة وهي تتلفت وتشوف بقسم الريايل خالد
حصة : ريامي خالد هني
ريم : تعالي نطلع
حصة : لا إنتي تمي أنا بسيرالسيارة وإنتي إذا شفتيهم طلعوا اتصلي بي
ريم : خلاص أوكي
طلعت حصة وتغشت عشان محد يعرفها وقبل لا تطلع من العمارة حست بيد تسحبها
شهقت بخوووووووف : إهــــــــــــــــــــــــــــــــــــــــــــىء
وصدت تتطالع إلي سحب يدها وتفاجئت باللي كان ماسكنها
تتوقعون منو

حزرو فزروا

هع هع لعبت بأعصابكم صح

المهم كان راشد مو خالد لوووووووول

حصة : إنت
راشد : حسج يالبقرة
حصة : ما البقر إلا إنت هد إيدي يالخام
راشد هد يدها : حصيص قولي لي ....
حصة بتساؤول : شقى عرفتني وأنا متغشية
راشد بقردنة : وحد يروم ينسى حصيص أنا أعرفج من مية حرمة
حصة : ويا ويهك ,,, صدق صدق أرمس
راشد : غشوتج خفيفة يالطمطمة
حصة : أونه
راشد : ما علينا .... حصووو أقولج
حصة تذكرت السالفة إلي سواها راشد وإنه كان السبب في فراقهم : لا والله ومن متى طايحة الميانة إمبينا حصووو أونه قال
راشد : اففففففففففففف إصبري خليني أرمس
حصة : حد ما سكنك ارمس
راشد : شحالها
حصة بغباء : منو هنود
راشد : اوووووووووف شو ابابها العصلا ...... ريامي
حصة وهي رافعة حاجب : ... ريامي أونه قال .... وبعدين هذي هي عندك إسئلها ليش تسئلني أنا ... وإنت ويا ويهك كيف عرفت إنا هني
راشد : كيف بعد لحقتكم
حصة : أونك ...... شهالحب إلي نزل عليك
راشد : افففففففففف حصة دخيلج إرأفي بحالي
حصة بإستهزاء : أرأف بحالك ...... إنت ليش ما رأفت بحالنا لا وفرقتنا فرقوا بينك وبين الجنة إن شاء الله
راشد : أعوذ بالله منج ........ وبعدين أي واحد مكاني بيسوي إلي سويته حد قالج إنتي وربيعتج إني فاتح مؤسسة إجتماعية أكفلكم كلكم
حصة إنقهرت منه : مالت عليك إنزين
ومشت عنه
ركبت السيارة عقت الغشوة بتوتر وتمت تعض أظافرها من كثر ما توترت
إنتهى البارت الخامس العشر

--\\\--

**زهرة البساتين** الثلاثاء مارس 01, 2011 10:41 am

يسلمووووووووووووووو
متى التكملة ؟؟؟؟
حطي الاجزاء بسرررررررررررعة

**.♥. Ŝαŗõõŋα** الثلاثاء مارس 01, 2011 11:10 am

ऌॡ البـــــــــــــــــــارتـ ((16))ऌॡ

طلعت ريم من العيادة مشت بثقل وبشويش متجهة لخارج العمارة شافت زوله واقف عند باب العمارة حست بربكة حست معدتها تجلب
نزلت نظرها ومشت عنه
راشد : شاغليني نظرة تشفي المشاعر بالوله وإجذبيني في عوالم تسحر القلب الحزين
ريم ما سوت له سالفة وطلعت وركبت السيارة بعد ما بطل لها الدريول الباب ودخلته بشموخ
راشد تم يطالعها وهو يلوم نفسه إنه ضيعها منه
حصة : شفتييييه
ريم : هاه ... شو قلتي
حصة : أقولج شفتيه الخام رويشد
ريم تنهدت : هيه شفته
حصة : ويه ويه شوفوا ويهها كيف غدى من طريناه
ريم : حصيص دخيلج مالي بارض لج
حصة : أقولج شرايج نغير وجهتنا ونسير المول نفتر لنا جم فرة
ريم : ودي أغير مودي بس ما أبي أسير السوق ..... ( لمعت في راسها فكرة ) لقيتها
حصة : شو شو
ريم بإبتسامة : شرايج نسير البحرين
حصة فجت عينها ع أوسعهن وبلمت : شووو
ريم ضحكت وقالت : بنسير البحرين هيه شفيج نحجز لنا اللحين في طيارة تطير الصبح ونرد المغرب ولا من شاف ولا من دري ( ترى تستوي صدق )
حصة : إنتي تخبلتي وإلا تخبلتي لو درى أخوج بيذبحج
ريم : ما بيعرف محد بيقوله
حصة أشرت لها بعيونها ع الدريول : والافندي
ريم : خمسيمية درهم تخليه ساكت
حصة : هزرج
ريم : هيه شفيج خايفة بالعكس وناسة وأكشن
حصة : لا لا أصلاً إنتي حامل ما ينفع
ريم : إيييييه عاد إلي يسمعج ميتة عليه نفاد ينفده
حصة دمعت عينها : يا ويلج يا ريم لو قلتي هالكلمة مرة ثانية
ريم : شفيج حصيص ما ترزى علي الكلمة إلي قلتها
حصة : إنتو ليش تييبون عيال إذا ما تحبونهم تييبونهم الدنيا عشان يتعذبون حرام عليكم والله حرام عليكم
ريم إنصدمت من حصة ومن موقفها : حصة أنا ....
حصة : إنتي ما حسيتي إلي أنا حسيته ما حسيتي هالجملة إلي قلتيها سمعتها جم مرة من أمي

--\\--
سالم : نعم نعم عيدي ما سمعت
ريم :سالم أقولك من اللحين أذا ربيته هالياهل بطرشه عند أبوه
سالم : ومنو قالج إن إبوه يباه
ريم : شو ... إنت سرت له وقلت له
سالم : هيه قلت له حرام نخفي إلي بالأرحام
ريم : زين شقال
سالم : يقول ما يبي يربيه ولا يبيه أصلاً ينولد
ريم : مش مشكلتي هذا ولده ومسؤول منه
سالم : الريال يبي يعرس خاطب بنت عمه
ريم حست بغصة بصدرها بس ما حبت تبين : زين وين أودي الياهل
سالم بعصبية : إنتي ربيه تراج إمه إنتي بعد
ريم : سالم شفيك إشتطيت
سالم : منج شوفي نفسج يا آنسة شو تقولين
ريم : نتفاهم من اللحين أحسن من بعدين ...
سالم بهدوء : ريم هذا ولدج وين تبين تفرينه وهوو لين اللحين ما أنولد
ريم : سالم أنا مو متخيلة نفسي أربي ياهل للحين مو متقبلة الأمر .... إنت فاهمني ... كيف اقولك أنا مو مهيئة إني أصير أم
سالم : وليش إنتي مو مهيئة
ريم : الياهل يباله معابل وحنان وإهتمام
سالم : وهذا صعب عليج إنج تعطينه
ريم :سالم فاقد الشي كيف يعطيه
صخ سالم وعقب قال
سالم : بقولج شي
ريم : أسمعك
سالم : تعرفين إنج يوم شردتي كنت حالف أردج البيت ميتة وتحت سراميك البيت أدفنج وراسج أعلقه بحجرتي بعد ما أفصله عن جسمج
ريم تحسست رقبتها بخوف
سالم : بس ربج ما بغى طحت وطحت طيحة شينة سويت فوحصات وتبين إنه فيني سلطان
ريم شهقت
سالم أول سنة تعالجت ورم وتم إستصئاله وما فيني إلا الخير شفت الموت بعيوني
شفت بمنامي الوالد واقف بين حديقة حلوة وبين صحراء صفرا وأنا أربع له
شرات الياهل وأقوله تعال نلعب بالحديقة وهو ما يتكلم ويدزني صوب الصحراء
ويمشي للحديقة وأنا شرات الياهل إلي يبي يلزق بأبوه أرد له وألزق فيه وهو
يدزني صوب الصحراء ويمشي لين وصل لمكان إنتي فيه وإمي وإنتي تأشرين عليه
وتصيحين وأبوية يدزني وأمي تقوم وتقولي روح الله لا يوفجك خلينا إختك معاك
أمانة وإنت بغيت تذبحها
ريم طالعت سالم والدموع تتجمع بعينها
سالم كمل : من بعد هالحلم دورت عليج وعرفت إنج بالبحرين خليتج ع راحتج تدرسين بغيتج تعتمدين على نفسج في كل شي لأني مو دايم لج
ريم : ربي يطول بعمرك يعل يومي قبل يومك
سالم : لا تدعين على عمرج ولا شي أنا ما خليتج تطيحين الياهل وأنا بغيته
ينولد ويكون لج عون لا كبرتي يشيلج لا طحتي شفتي هالحلال كله تراه بإسمج
إنتي بروحج
ريم فتحت عينها : ليش إنزين إنت لك نصيبك
سالم : أنا مو دايم لج ........
ريم : سالم لا تقول جيه ....... ( قالت بأمل ) إنت ما قلت إنك تعالجت
سالم : رد طلع لي مرة ثانية
ريم : رد تعالج
سالم هز راسه بلا : خلاص إنتشر
ريم حست بالعبرة تخنقها
سالم : كان ودي اطمن عليج قبل لا أموت وأشوفج عايشة مع ريلج عيشة حلوة هنية
ريم بدت دموعها تنزل : إطمن يا إخوي لا تحاتيني ... لا تشغل نفسك فيني أهم شي صحتك
سالم: إنتي عندي أهم من الصحة ومن الفلوس ومن كل شي
--\\--
بعد ثلاث شهور اليوم عرس هند
ملجتها كانت قبل العرس بيوم
أممم حصة استقرت عند ريم لإن ريم كانت بحاجة لحد يساعدها ويعابلها خصوصاً
بإن حملها متعبها ومطلع عيونها وظهرها رايح فيها وسالم ريله خفت ع البيت
عشان يعطي حصة راحتها
أما راشد فملج على مروة بس بعدهم ما عرسو بيعرسون في عطلة الربيع إلي هي بعد شهر

سالم : إنتي تستهبلين وإلا تستهبلين
حصة : دخيلك قولها
ريم : ما يخصني بروح يعني بروح
حصة : وين تبين تسيرين وإنتي يا دوب تمشين
سالم : ريم حبيبتي إنتي تعبانة شوفي نفسج
ريم :أبي اسير حرام عليكم
سالم إستسلم : برايج بس مو طولين هناك روحج تعبانة
ريم إسستانست : ما بطول بس بسلم على هنود وبظهر
سالم صد على حصة : بتسيرين وياها
حصة هزت راسها بلا
سالم عقد حياته : ليش
حصة : شي وايد ناس وأكيد عازمين أهلي وما أبي انحط في مواقف وأخرب العرس على هند
سالم : شهالكلام .....
ريم : حصيص مابندخل القاعة بنسير صوب هنود بنسلم عليها ونتصور صورتين ونظهر

حصة : ما أعرف
سالم : ريمو ما تسيرين إذا ما سارت حصة معاج
ريم : أكييييد بتسير وياية
حصة : ريامي دخيلج
ريم : مافي يالله لبسي عباتج ويبي عباتي وياج من فوق عشان نروح الصالون
سالم ما حب يحرجهم : يالله أنا أستأذن عندي جم شغلة لازم علي أخلصها

ريم سوت استشوار وبف لشعرها أما حصة فأول ما فجت شيلتها خافت الكوافيره من
شعرها وبعد معانة رامت تستشوره ( تذكرين ميمي هع هع هع فديتج والله )
وإستشورته ع طوله كان وايد طويل ويوصل لآخر ظهرها بس لأنه موب ناعم وايد
يبين أقصر شوي

حطن مكياج سهره بس حصة سوته ع برونزاج فطلعت طر
رييم لبست فستان حوامل أبيض بشريطة حمرا تحت الصدر أما حصة فلبست فستان
بطيخي رهييييب كانت ريم مزهبة الفساتين من زمان بس حصة ما كانت مقتنعة مول
إنها تلبس فستان واتم به عشان جيه فصلت لها عباة شال تلبسه فوق العباة أما
ريم فعقت العباة بتيلس هالساعة وبتطلع شعليها من الناس
كانت الساعة 10 ونص لما وصلو القاعة دخلو من الباب الوراني وسارو عند هند أول شي عقت ريم عباتها عندها وتصورت معاها
ريم : هاه شو النفسية
هند : يماااا خايفة
حصة : ما عليج إنتي قدها
هند : ريمو يالدرام
ريم بوزت : تعايريني لأني حامل ........... ما عليه خليني أولد بسلامة بس
وبتشوفين الرشاقة ...... بعدين لا تعايبين بعد جم شهر بنشوف كرشتج جدامج (
وغمزت لها )
هند إحمرت : ويا ويهج إنتي ما تستحين .. إنتي ليش لابسة أبيض هاه حتى بليلة عمري بتناشبيني
ريم : ههههههههههههه عبالي عندج سالفة
دخلت إخت ذياب إحم " مروة "هع هع الدنيا صغيرة
مروة : السلام عليكم
البنات : وعليج السلام
هند : هلا مروة حياج
مروة : هايل ربعج
هند : هيه
مروة : أنا مروة خت ذياب ...
هند : هذي الحامل ريامي والثانية حصة
حصة إبتسمت لها ونفس الشي ريم
مروة وهي تشوف ريم ومبهورة بها : وااو وناسة شكلج بالحمال حمستيني أحمل
ريم إستحت منها : إنتي متزوجة
مروة : هيه متزوجة
هند : أونها بس مالجة
مروة : ويا ويهج نفس الشي
هند : أنا خاطري أشوفه هذا ريلج الله يعينه الصراحة
مروة : لو ياية ملجتي جان شفتيه
هند : إستحيت
مروة : أونج عاد
هند وهي تغمز لها : يعني بتقولين لنا ما عندج صورة بالتليفون
مروة : خافي ربج اليوم عرسج ....... لو ذياب درى بج
هند : حشى حشى ما يرزى علي
مروة وهي تطلع تليفونها وكانت حاطة صورته خلفية مدت التليفون لهند : هاه شوفيه تمقلي
هند فجت عينهاع أوسعهن مو معقولة اللحين راشد ولد عم ذياب
مروة : حشى عن تطلع عيونج
هند ابتسمت
مروة : يالله حبيبتي تزهبي عشان نزفج
هند : زين اللحين بطلع تجدمي إنتي أنا بودع البنات
مروة : ليش تودعينهم بيونج الكوشة
حصة إبتسمت لها : تسلمين عزيزتي بس لازم نروح
مروة : يالله عاد ما تبون تشوفون ربيعتكم تنزف
ريم وحصة إنربط لسانهم
مروة : مالكم عذر ع الأقل تمو لين توصل الكوشة
ريم اطالعت حصة وحصة هزت راسها بإستسلام
طلعت مروة ووقفت هند
هند : تعرفون منو ريلها
حصة : من وين نعرفه
ريم وهي تشل كوب الماي من الطاولة : الله يهديج تحيدينا راعيات هالسوالف
هند : لا تعرفونه عز المعرفة ريلها راشد
ريم طاح الكوب من يدها بس ما إنكسر وإنجب الماي ع الأرضية
حصة : الله يهديج يا ريم جيه تكبينه اللحين كيف هند تطوف عليه
وطلعت تدور كنينكس بالصالة الثانية
هند : ريم شاسوي مصيبة راشد يعرف إني ما كنت مع إم مشعل إلي أساساً ما
تستوي لي شي ويدري بالحياة إلي كنا عايشينها شاقول شاسوي لو قال لذياب
ريم وهي تحاول تهدي من نفسها بعد القنبلة إلي سمعتها راشد ماخذ مروة راشد صار لغيرها وهند ترطن فوقها وهي مو فاهمه حرف
حصة دخلت ومسحت الماي إلي إنجب وقالت وهي تهدي هند : اللحين إنتي إهدي وخلي
الليلة تعدي ع خير عن تستوي فضيحة بين العرب وبعدين كيف بيعرفج راشد ....
إنتي لا تطلعين يدامه وتغشي عنه عشان ما يعرفج
هند هدت من كلام حصة
وطلعت عشان يزفونها وحصة وريم يلسوا بآخر القاعة عشان محد يعرفهن
حصة كانت تطالع هند أما ريم فكانت عيونها على مروة
ريم حست بغصة وقهر مو متحملة تشوف مروة قالت لحصة : قومي نروح البيت
حصة إلي ما صدقت خبر : طوفي
طلعوا صوب الممر
حصة تأشر ع الكراسي : يلسي منه بييب العباة وبيي
ريم يلست : أوك عجلي
سارت حصة أما ريم فتمت يت مروة إلي كانت تبي تشل عباتها لأن الرياييل بيدخلون
مروة : ريم شتسوين هني إدخلي داخل
ريم : ما عليه أنا مروحة
مروة : أفا ...... وين تروحين اللحين
ريم :حاسة بتعب شوي .... أي
مروة بخوف : شفيج
ريم إبتسمت : لا بس ولدي يلعب معاي كراتيه
مروة بوناسة : صدق عاد ..... ( يلست عدالها ) عادي أحط يدي من زمان كان بخاطري أحس بهالشي دوم ربيعاتي يقولن لي
ريم ما حبت تكسر بخاطرها ومسكت يدها وحطتها مكان ما تم يرفس
مروة إستانست : كشخة
ريم إبتسمت مجاملة لها
مروة : شناوية تسمينها لو ولد
ريم بدون تفكير : ظافر
مروة عقدت حياتها : ظاااافر ... من وين يبتي هالإسم
ريم : ليش مو حلو
مروة : بلا ....... إنزين لو بنت
ريم : ما أعرف ما فكرت
مروة ضحكت : فكرتي بإسم للولد وما فكرتي بإسم للبنت
ريم : ما ادري حاسة إنه ولد
مروة : الله يعينج لو كانت بنت
ريم : إلي إيي من الله حياه الله
مروة : أخليج أنا بسير أييب عباتي الرياييل بيدخلون
ريم عقدت حياتها : ليش مو محارمج إلي بيدخلون
مروة هزت راسها بلا : عيال عمومتي كلهم بيدخلون
ريم فز قلبها لإن راشد أكيد بيدخل : أها أشوفج ع خير
مروة : أكيد بنلتقي . ..
ريم : إن شاء الله
راحت مروة وريم تمت سرحانة قطع عليها صوت من وراها : ما كنت أعرف إنج تعرفين حرمتي
ريم طاح قلبها وصدت صوب مصدر الصوت وما خاب ظنها كان راشد متكي بكتفه ع اليدار ومجتف يدينه ويطالعها
راشد : هاه شرايج بمروة حلوة وإلا مو حلوة ذربة صح جمال وأخلاق كامله والكامل الله
ريم قامت ومشت بثقل صوب الحجرة إلي فيها العبي : غض بصرك أنا مو من محارمك وإنت متزوج
دخلت الحجرة وسكرت الباب وخلته سرحان فيها وفي الموقف إلي شافه بعينه يوم
مروة تحط يدها ع بطن ريم إلي إستغربه راشد هو شو إلي ياب ريم هني العرس عرس
ولد عمه يمكن تكون ربيعة مروة عيل ليش كانت تسولف معاها معقولة ما تدري
إنها مرتي ...؟؟؟
--\\--
ضاقت عليك وما لقيت إلا أنا تقول ويش رايك بمحبوبي الجديد
تبغي تعنيني وانا ناقص عنا أموت وأعرف بس أنا وش تستفيد
مستكثر إني عشت بعدك في هنا وإلا سمعت وضايقك إني سعيد
أحس لما قلتها لي موتي دنا دقات قلبي وقتها قامت تزيد
حاولت أجرب وأنهي إلي بيننا أثري العواطف راسها دايم عنيد
أنا على حطة يدك هذا أنا أكذب عليك إن قلت لك فرقاك عيد

كانت تلتقط أنفاسها
تنهدت يوم شافت حصة ياية ويايبة معاها العبي لبسن وظهرن من الباب الخلفي بعد ما قالو للدريول يلف هناك
ويوم ركبوا
الدريول : وين يبي يروه ماما
حصة : إندوكم بعد يسئل البيت أكيد
ريم : لا عبد الرزاق رووووووووح المستشفى
حصة لفت لها بخوف : ريم شفيج ...
ريم : ما أدري أحس بإنقباضات
حصة شهقت : لا يكون بتولدين
ريم وصرخت لإن الإنقباضات صارت اقوى مسكت يد حصة بقوة : آآآآآآآآآآآآآآآآآآه
حصة خافت وتمت تدعي وتقرى عليها
حصة : ريم ريم
ريم بتعب : شتبين
حصة :ريم يقولون دعوة المرة يوم تولد مستجابة الله يخليج إدعي لي
ريم :يارب يصلحج ويحنن قلب أمج عليج
حصة : وإدعي لفلسطين والعراق وأفغانستان إن الله يفكهم من قيد اليهود والمحتلين
ريم مو متفيجة لها وبخاطرها تصفع حصة هي تحس بالموت وهاي تقولها فلسطين ويهود قالت بتعب إلي يسمعها عاد جن الدنيا موقفة ع دعوة ريم
ريم : آمين
الدريول : ماما وصلتي (( يعني وصلنا ))
حصة : ترومين تمشين وإلا نجيب لج عربانة
ريم : ما أرووووووم
حصة : عبدالرزاق ييب عربانة حق ماما
نزل عبدالرزاق وياب العربانة حصة سندت ريم ويلستها على الكرسي
حصة تستهبل على ريم : اللحين بيقولون شهالحرمة إلي ياية تولد بكل آناقتها وكشختها
ريم : والله مو متفيجة لج إنزين
حصة إبتسمت ودزتها صوب قسم الطوارئ وقالو إن عندها ولادة مستعجلة لإن
الأكسجين ما وصل للجنين وإن ما تلاحقوا عليه بيموت ولازم توقيع الزوج أو
أحد الأقارب
حصة شلت تليفون ريم وإتصلت بسالم وكانت ترجف من الخوف
حصة : ألو
سالم إستغرب الصوت : ألو منو
حصة : سالم إلحق علينا
سالم قام مفزوع : شفيج شصار
حصة : ريم ريم بيولدونها
سالم : بس هي بالسابع بعدها
حصة : مو هني المشكلة ..... المشكلة إن الأكسجين ما يوصل الجنين يعني لازم يسون لها عملية مستعجلة عشان ينقذون الجنين ولازم توقيعك
سالم : أنا ياي إنتو بأي مستشفى
حصة قالت له إسم المستشفى
وهي دقايق إلا سالم ياي وموقع على الأوراق
وتم هو وحصة عند باب العمليات يتريون أي خبر
سالم يمشي رايح راد متوتر خايف على إخته وعلى ولدها
حصة توترت مع سالم

بعد ساعتين طلعت الدكتورة
سالم : بشري
حصة خافت لإنها سكتت : شفيج ساكتة إنطقي قولي أي شي أي شي

إنتهى البارت السادس عشر

**.♥. Ŝαŗõõŋα** الثلاثاء مارس 01, 2011 11:11 am

ऌॡ البـــــــــــــــــــارتـ ((17))ऌॡ

الدكتورة : فيه إيه مالكم كدة متخضين أوي ما حصلش حاقة الست ولدت وقابت ولد زي العسل من حلاوته يتربى بعزكو يارب
سالم فرح وايد ومشى مع الدكتورة يعطيها حلاوة على هالخبر وعلى المجهود إلي سوته
سالم : اللحين قولي لي هي شخبارها
الدكتورة : زي البوم بوم ... بس حتفضل معانا إسبوع زمان كدة نطمن عليها
سالم : والولد
الدكتورة : لاء الولد ده لازم يفضل معانا شهرين كده نطمن عليه لإنه يا حبت عيني ما كملش شهوره

سالم راح عنها وإتصل على راشد عشان اييب ورقة عقد القران وعشان يكملون إجراءات تسجيل إسم الولد باجر
راشد وصوته كله نوم : ألو
سالم : السلام عليكم
راشد : وعليكم السلام خير منو معاي
سالم : انا سالم
راشد فز من فراشه ويلس عليه : خير
سالم إستنكر إسلوبه : موب ياي اشحت منك أنا رمسني عدل
راشد : وبالله عليك في حد يتصل ع حد الساعة 3 الفير
سالم وهو يشوف ساعته وإستحى : والله إنه من فرحتي وربكتي أبي أخلص شي
راشد : شعندك
سالم : ريم ربت
راشد حس بقلبه يرقع بس رد ببرود : والمطلوب ...
سالم حز بخاطره لإنه حتى ما سئل شيابت : المطلوب يا راشد إنك تييب ورقة الزواج عشان نكمل إجراءات تسجيل الإسم
راشد : وتباني أييبها لك اللحين
سالم : لا ييبها الصبح
راشد : يصير خير إنتو بأي مستشفى
سالم قاله إسم المستشفى
سالم : يالله فمان الله
راشد : لحظة
سالم ببرود : خير
راشد بلع ريجه : شيابت
سالم بإستهزاء : ليش هالكثر تفرق معاك دريت وإلا ما دريت
راشد : لا تلعب بأعصابي الياهل مها صار ولدي وبيتسجل في إسمي وبيدون إسمه بخلاصة قيدي
سالم : حشى ما يرزى عليه
راشد : قووووول
سالم : ولد ... إرتحت يابت ولد .... ولد بيشيلها لا كبرت ... بيقوم بها لا
طاحت ... بيعطيها لا بغت .... بيصونها وبيحفظها منك ومن شاكلتك
وبند الخط أما راشد ما تأثر بكلمات سالم كثر ما تأثر إنه صار أب إحساس عجيب تحس بالحنان والحب يتدفق فيك
طاح على فراشه ويستنى الصبح يطلع عشان يشوف ولده
ما رام يرقد ما غفت له جفن سمع صوت الاذان سبح وراح يلحق الصلاة شاف إبوه تحت ساير صوب المسيد
بو راشد إستغرب إنه شاف راشد ناش لا وبيسير المسيد بعد لصلاة الفجر فرح بداخله مهما كان هذا ولده ويتمنى له كل الخير
ولما رد راشد شاف إمه يالسة صوب العريش وفارزة خبز الرقاق تدهنه بجبن لإبو راشد
راشد : صبحج الله بالخير إميه
أم راشد : الله يصبحك بالنور والسرور يا إميه
راشد والكشرة بعدها مرسومة ع ويهه
أم راشد : شعندك إبويه قايم سير حط راسك اليوم سبت إجازة
راشد هز راسه بلا : لا إميه ما فيه رقاد
ام راشد : ويديه .... إنت أمس راد من عرس ولد عمك ع ويهه الفير متى لحقت ترقد
راشد : رقدت ونشيت حق الصلاة
أم راشد : الله يثبتك ع الطاعة يا ولدي
راشد : آمين
أم راشد : الله يبلغني فيك معرس وأشوف عيالك حولك
راشد إستغل الفرصة : صدق عاد تبين تشوفين عيالي
أم راشد : منوة الخاطر يا وليدي
راشد : زين لو يبت عيال شبتسوين لهم
أم راشد وهي تعدد ع أصابعها : ما يرقد إلا عندي ... محد يأكله ويلقمه إلا
أنا .... محد يغسله ويغير له إلا أنا .... بسويه له كل شي كل شي
راشد : إذا إنتي بتسوين كل هذا عيل إمه شخانتها شاتسوي
أم راشد : بس ترضعه وترده لي ولا كبر وما صار يرضع وأنا مليت منه بعقه عليها
راشد : افااااا تملين من ولد راشد
بو راشد وهو يشرب قهوته : هذا وهو ما ييى وإنت تتشرط عيل لو كان عندك اللحين شبتسوي
راشد تشجع يقولهم : يبا تبي الصراحة تراه وصل
بو راشد شرق بالقهوه وتم يكح
أم راشد تدحه : حلو حلو
بو راشد : إنت شقلت
راشد عدل يلسته : الصراحه إبويه أمس إنولد
أم راشد دمعت عينها : معرس من ورانا يا راشد
راشد هز راسه بلا
بو راشد فج عيونه : مو معرس عيل من وين ياك الولد يالـــ
راشد : هدي إبوي هدي أنا مو معرس مطلقها
بو راشد : بعد
راشد : صبروا أفهمكم بالسالفة
بو راشد : شتفهم وإلا ما تفهم وبنت عمك وعمك شاقول لهم قووووووول
راشد : أبويه أنا من البداية قايل لك ما أريد إنت إلي أصريت عليه
بو راشد : لو فهمتني لو قلت لي مو تحطني بهالموقف
راشد : بوقتها يوم قلت لي ما كنت أعرف إنها حامل
بو راشد : ومن هي ومن متى ماخذها
راشد : يعني قبل لا أرد هني خذتها
بو راشد : ومنو هي ووين شفتها
راشد : يبا تذكر سالم الـــ
بو راشد : أكيد أذكره هذا إلي السوق كله موقف والسبة هو صاحب شركة الــ
راشد فتح عينه ع أوسعهن : أونه
بو راشد : هيه إنت ما تعرف إن ربيعك من أصحاب أكبر الشركات في الإمارة
راشد هز راسه : لا ما أعرف
بو راشد : وشيخصه في السالفة
راشد : إخته
بو راشد شهق : وطلقت إخته
راشد هز راسه بهيه
بو راشد : مالت عليك .... أشوف الريال حاط علينا حطة وما خذ كل المناقصات عنا أثاريك إنت السبب
راشد : أنا ما كنت أعرف
بو راشد : شو إلي ما تعرفه كيف ربيعك وما تعرف عنه
راشد هز راسه بلا : مو ربيعي ..... بس إلي أعرفه إنه أخو ريم
أم راشد : إسمها ريم
راشد هز راسه بهيه
أم راشد : شيابت يا ولدي
راشد : ولد
بو راشد : مو مشكلة شيابت المشكلة شاقول لعمك
راشد : ما أعرف
بو راشد : وإنت بتردها
راشد : ما أتوقعها بترضى
--\\--
عند ريم بعد ما نشت من البنج شافت حصة فوق راسها
حصة والكشرة من السبت لين الأحد : مبرووووووووووك يا قميييييييييل
ريم إبتسمت : الله يبارك فيج حصة ( والدمعة بعينها ) حصة صدق أنا ربيت ويبت بيبي
حصة تهز راسها بهيه : والله يا ريمو لو تشوفينه .. يا ربي تبين تاكلينه من حلاوته
ريم بتساؤل : ولد
حصة هزت راسها بهيه : ظافر وصل
ريم حاولت تيلس بس تألمت
حصة : لا تتحركين بتتألمين
ريم: أبي أشوفه
حصة : ما يصير هم حطوه بالحضانة وبيبونه عقب عشان ترضعينه
ريم سكتت وإندق الباب ودخل سالم وهو شايل بوكيه ورد عووووووود وإبتسامته من هني لين هني
سالم :مبروووووووووووووووووووك عليج ما ياج
ريم إبتسمت : الله يبارك فيج ... سالم خليهم ييبونه أبي أشوفه
سالم أشر على خشمة : أمره على هالخشم
ريم : تسلم لي يا بو غنيم
سالم : الله يسلم غاليج
شوي ويابو الولد عدلو من يلسة ريم عشان تشوف ولدها واول ما شافته صاحت
سالم بخوف: شفيج ليش تصيحين ... شي يعورج أنادي الدكتورة
ريم هزت راسها بلا
حصة : شفيج خوفتينا .... أنا أول مرة أشوفج تصيحين
ريم : ما ادري كيف فكرت إني أعقه ..
الكل صخ
كملت ريم وهي تتكلم بين شهقاتها : ما أدري كيف كنت بحرم نفسي من إني اضمه وأبوسه من إني أرعاه وأحرم أمومتي عنه
حصة : شفتي عاد ...... زين إن نحن ما طعناج
ريم : هيه والله
ريم وهي تتطالع ولدها قالت وهي تقاوم دموعها : ما يشبهني صح
سالم : موووووووووووول ما يخصه فيج
حصة : حرام عليك شوف شوف الخشم وإلا الثم كله أمه
ريم : يالله عاد اصلاً مو اللحين يبين عقب يوم يكبر شوي
حصة : صراحة صراحة ..... إنتاج رائع
سالم ضحك : هههههههه حشى دياي مو أوادم
حصة : هيه عيل شو ....
سالم : خلاص نسميه ظافر
ريم : أكيد
حصة : من وين يبتي هالإسم ريمو
ريم طالعتها : إسئلي سالم
حصة صدت صوبه واطالعته تترياه يرمس
سالم حرك الكاب في راسه : يعني لازم تعرفين
حصة بفضول : طلع ورى الإسم سالفة
سالم : هههههههـ لا سالفة ولا شي ظافر هذا واحد كان في فريجنا أول
حصة إطالعت ريم بنص عين : أمف عليج ع بالي شي
سالم : اصبري خليني أكمل
حصة : كمل
سالم : كان ربيعي يعني امينا سلام وجيه
حصة : زين شيخص ريم فيه
ريم : حصو صخي وإسمعي
سالم : كنت كل ما أضرب ريمو كانت تشرد بيتهم وتصيح عنده عشان يهديها وايي
عندي يضربني وكنا دوم انتضراب دوووووووووم وريم إن حد من عيال الفريج سوا
لها شي تربع له وتقوله ولا جني أخوها
حصة : ووينه هذا
سالم : إنتقل سار دبي من 10 سنين
حصة : وإنتي عشان جيه بس تبين تسمين ولدج عليه
ريم : ظافر أنقذني من الموت
حصة : كنتي بتموتين
سالم : هيه مرة أنا نازعت الخدامة البقرة قامت تبي تنتقم مني راحت حطت سم
في أكل ريم يوم إني سرت عرس في العين .... ولو ظافر ما كان ياي يطالعها
جانها تعشت وإلا لا جان البنت كانت في خبر كان تعرفين وين لقاها لقاها بآخر
البييت والخدامة كانت تبي تدفنها بعد ما حفرت هايجج الحفرة
حصة شهقت : حشى يالحقد
سالم : تلاحج عليها ظافر ووداها المستشفى والشرطة مسكت الخدامة وقالت المستشفى لو بس متأخرين خمس دقايق جان تررحمنا على ريم
حصة : حليلج ريمو عيل كنتي بتموتين ..
رن تليفون سالم شاف الرقم
طلع يرد على راشد
أما ريم كانت تتطالع ولدها وهي متخبلة عليه وعلى خدوده الحمر
النرس يت وتمت فوق راس ريم لين رضعت الولد
أما عند سالم
سالم : ألو
راشد : سلام عليكم
سالم : وعليكم السلام ...... هاه إنت وين
راشد : أنا اللحين بالمستشفى ... عند الرسبشن
سالم : زين بعد إنك ياي من وقت من أمس ما رقدت
راشد : زين أترياك لا تبطي وراي أشغال
سالم بند ومشى صوب الرسبشين
راشد : شتبون تسمونه
سالم : بنسميه ظافر
راشد عقد حياته : ليش هالإسم
سالم : إسم وعايبنا
راشد : عاد أنا مو عايبني
سالم رفع وحدة من حياته : صدق عاد
راشد : تراني أبوه بعد
سالم بإستهزاء : شفت إهتمامك وحبك يقطر
راشد : أنا أبي أسميه ع أبويه أبي أسميه سيف
سالم : ما يتسمى إلا ظافر
راشد : يا إخي شو هالإسم عطني إسم ينبلع شو ظافر
سالم تنهد : إنت أساساً ما تباه وإلا نسيت شقلت لي ذاك اليوم ...ما أظن إنه بيفرق معاك لو سميناه
راشد : منو قال إنه ما بيفرق معاي بالعكس يفرق واااايد بعد هذا أول واحد وبتسمى بإسمه
سالم بإستهزاء : ليش منو يعرف إنك متزوج ... قصدي كنت متزوج وعندك ياهل
راشد : أمي وأبوي يعرفون ويكفوني عن الناس كلهم
سالم : أها ويدري إبوك إني خاله
راشد : ما كنت أدري إنك تدخل المسائل الشخصية بالشغل
سالم هز جتفه بعدم مباله : والله الشغل ما يعرف لا أخوي ولا ولد عمي
راشد زفر : اللحين شو أنا ظافر ما بسميه
سالم : مو من حقك إنك تعترض لإنها هي إلي حملت وهي اللي تعبت
راشد : ولو أنا بظل أبوه وبيظل يحمل إسمي لين يموت وينقبر
سالم : إكسر الشر
راشد : موب كاسره والولد ما بيتسمى إلا سيف
سالم : جم تبي وتسميه ظافر
راشد تنرفز : شو جم أبي ولدي هذا من صلبي
سالم : دخيلك يالأب المثالي
--\\--
بعد معانة رضى راشد بالإسم
بعد شهر في بيت راشد
ام راشد : هاه يا ابوي شقال لك عمك
راشد : يقول بنته تبي تتطلق يوم بعدها ع السيف
ام راشد : وإنت بترد ذيج
راشد : يما هي الله يهديها معنده موووووول مووب راضية
ام راشد : وإنت يا ابوي منو منهن بغيت
راشد : يما لو جمعتيها مع كل بنات الدنيا ما أبي غير ريم
ام راشد : الله يهدي سركم يا وليدي ويصلح بالكم
راشد : آمين يا رب
أم راشد : شخبار ولدك
راشد : يقولون أحسن وبيرخصونه بعد اسبوع
ام راشد : إلا شقلت لي إسمه
راشد : يما الله يهديج جم مرة قلت لج الإسم إسمه ظافر
أم راشد : وأنا امك أسمه عجيب
راشد شاف تليفونه يرن : يما برد ع التليفون
بعد شوي
راشد بصراخ : شوووووووووووووووووو مااااااااااااااااات

إنتهى البارت السابع عشر

**.♥. Ŝαŗõõŋα** الثلاثاء مارس 01, 2011 11:15 am

ऌॡ البـــــــــــــــــــارتـ ((18))ऌॡ

المكالمة
راشد : ألو هلا سالم
الريال : إخوي إنت تعرف صاحب هالرقم
راشد إستنكر الصوت : هيه شالسالفة
الريال : يستوي لك الريال
راشد : هيه نسيبي
الريال : ما عنده إخوان أم أب
راشد : لا بس إخت ... ليش شو فيه وتليفونه شيسوي عندك
الريال : بصراحة سالم توفى وما في تليفونه إلا رقمك ورقم وحدة ثانية أظني إخته
راشد : شووووووووووووووووووووووو مااااااااات
الريال : هيه مات البقى في راسك ممكن تييون وتستلمون الجثة
راشد للين اللحين ما إستوعب : وإنتو باي مستشفى
الريال : مستشفى الـــ
راشد بند عن الريال وهو يتنهد بضيج
ما عرف شيسوي خصوصاً إنه ما جد مر بهالموقف كيف بيبلغ ريم ركب سيارته وسند
راسه ع الجامة وشاف هند مع ذياب طالعين من بيت عمه وراككبين سيارة ذياب
إنصدم وفج عيونه ع أوسعهم اللحين ولد عمه ما لقى إلا هند ياخذها كيف عرفها
ووين ..؟؟؟
طنش السالفة وحرك السيارة صوب بيت ريم كان بيتهم أحلى عن بيته بمية مرة
بركن في الظلة إلي جدام الباب ودق الباب وفجت له الخدامة دخل الميلس وقال
لها تنادي له ريم
الخدامة حليلها سارت تزقر الريم
هي دقايق إلا وريم ياية وهي مو متغشية بس لابسة عباتها وشيلتها عدل قالت بدون ما ترفع راسها : هاه عادل شاليديد في الشغل
ما سمعت جواب رفعت راسها وطاحت عينها بعين راشد
ريم : إنت
راشد : هيه أنا
ريم : شتبي
راشد : أبي أكلمج
ريم : ما بينا كلام إلي بينا إنتهى وإنتهى من زمان
راشد : مو هذا موضوعي
ريم : شعندك خلصني
راشد : سالم
ريم : شفيه سالم
راشد : عطاج عمره
ريم ما إستوعبت إلي قاله : لا لا إنت جذاب ........ أكيد هذي جذبة يديدة
مثل ما جذبت علي وقلت لي إن البنات ما يبوني إنت جذااااااااب
جذاااااااااااااااااااااااااب
راشد : ريم والله إني ما أجذب والله .... ما تصدقيني إتصلي ع تليفونه بيرد
عليج واحد وبيقولج إنه مات أنا توهم متصلين علي يبوني أوقع على إستلام
الجثة
ريم هني إنهاااارت خرت ع الأرض تصيح وتلطم نفسها : أخووووووووووووووووي أبي
أخووووووووووووووووي وين رااااح وين راح يوم أنا بحايته وين راااااااااااح
بعدني ما شبعت من حنانه أبي إخوي أبي إخوي لالا سالم ما مات هو قال لي
بيوديني عند ظافرلا لا أكيد اللحين بييي ...... إهئ أبي إخووووووووي
راشد ما عرف شيسوي أول مرة يشوف ريم بالضعف هذا قرب لها وربت على جتفها : بس خلاص لا تصيحين
ريم وهي تمش دموعها قالت بصوت راجف ومسكت إيدين راشد بترجي : ما بصيح بس
ترد لي إخوي ....... ترد لي إخوي ........ ( وردت تصيح وهي تهد إيد راشد )
أبي إخووووي
وإنمسح دمعك وبدييت الرحيل
وعفت هذا الكون والورد الظليل
يا صاحبي كيف تصبح بك حياة
والحياة دموع ودمعي ذا يسيل
في وداعك كل ما أشوفه وداع
كيف أودع بك حياتي مستحيل

صلو عليه بعد صلاة الظهر ودفنوه
ريم صوتها راح من كثر ما صاحت ع إخوها حتى ولدها ما شافته ولا سارت له
وحصة تاهت بين ظافر إليي عاقينه بالمستشفى وبين ريم إلي حالتها حالة

يا إخوي وينك
أنا محتاجة للمسة يدينك
ليه غبت عني
و ما رحمت حنيني
يا إخوي وينك
ووينها ايامك وسنينك
يا إخوي تعال لي الله لا يهينك
من يمسح دموعي
ومن ويرحم انيني
من يحميني لا جاني خطرر
من يخاف علي من شر البشر
من لي غيرك سند
من لي غيرك عضد
لالي أم ولا أبو
لا لي إخت ولا إخو
مالي غيرك دخيلك إرحم حنيني
خلاص يعني خلاص
ما عاد لي إخو
خلاص يعني خلاص
ما عاد لي إخو
ما عاد لي أحد غير طيفك
غير أيامي معك والذكرى
آآآآآآآآآآآآآه ياللي بالكفن إنلفيت
وآآآآآآآآآآآآآه ياللي بالقبر إنحطيت
وآآآآآآآآآآآآه وآآآآآآآآآآآآآآه ياليي ما شفت نفسك ولا لقيت
خلاص يعني خلاص
رحت عني ولا رجعت
خلاص يعني خلاص
هذي هي النهايه
وإلا هي البداية
لمعاناتي

معاناتي من كتاباتي
--\\--
حصة وهي شالة ظافر وتهزه وهو يصيح يوعان
حصة : ريم حرام عليج ....... الولد تعبان يبي صدرج
ريم ما ردت
حصة : موب طايع يرضع بالمرضاعة أساساً هو مو متعود إلا على صدرج إرحميييييه
بعد ما ردت
حصة بدت تصيح مع ظافر : حرام عليج إلي تسوينه في نفسج وتسوينه بولدج ...... الولد يعرف ريحتج ما يبيني يبيج بس لين يرقد الله يخليج
حطت حصة ظافر بحظن ريم وريم بدت تهز ظافر بلا مبالة وببرود والريال عرف إمه وعرف ريحتها ونام بحظنها بعد ما رضعته
حصة ردت بتشل ظافر بس ريم ما طاعت وخذته لحجرتها وحطته في فراشها وحطت راسها عداله ودموعها تصب
صار لها فترة ما تتكلم كل ما قالت لها حصة تعالي نروح المستشفى ما اطيع لأنها تعرف إن ما فيها شي وهي فترة وتعدي
إلي كان قاهر حصة ومشيب راسها هند ليش ما يت العزى ولا حتى كلفت على عمرها
ترفع السماعة تتطمن ع ربيعتها حتى ظافر ما شافته ولا هنت ريم فيه
إلي ما تعرفه حصة إن هند كانت خايفة خايفة يسئلونها أهل ريلها من وين تعرف
ريم وهي إلي كانت ماخذة راشد خصوصاً إن مروة حرمة إخوها من جيه ترددت
وقالت تقطع علاقاتها بريم الربع يتعوضون ويتبدلون بس وين بتلاقي شرات ذياب
--\\--
حصة وهي شالة ظافر بعد ما غسلته ولبسته كانت حاطة يدها ع يبهته
حصة : ريمو مسخن
ريم ما إهتمت وايد
حصة بعصبية : حشى قلنا إخوج مات بس عاد مو تموتين ولدج عشانه
شلته حجرتها ولبست عباتها ونزلت بتوديه المستشفى خصوصاً إنه رضيع
كانت يالسة بالإنتظار وظافر راقد بحظنها سار يحبها ويقعد معاها أكثر من ما يقعد عند إمه
رفعت راسها يوم سمعت خطوات حد داخل صالة الإنتظار ع بالها السستر بتتزقرها بس تفاجأت كانت إمها
أما أمها إلي يوم شافت ياهل رضيع بحظن بنتها الوحيدة حست بجرح بداخلها
عميييييييييييييق كيف حرمت نفسها من هالشعور إنها توقف مع بنتها بولادتها
وإلا بحملها وإلا بفترة الأربعين كيف حرمت نفسها إنها تعطيها خبراتها في
الولادة والإمومة
يلست ع أقرب كرسي وقالت والعبرة خانقتها : حــــــــصـــة هذا ولدج
حصة الصوت ضاع منها من زمان ما سمعت إسمها من ثم إمها كانت آخر مرة يوم يوم
ملجتها يوم إمها كانت شالة الدفتر ومدته لها وقالت لها بصوت حازم : وقعي
وهي عيت
مو لشي لإنها اساساً ما كانت تبي تتزوج وهي صغيرة عمرها 14 سنة ياااااااااااااهل منو يزوج ياهل
هاك اليوم إمها صرخت عليها وقالت : حصــــــــــة وقعي أحسن لج
خافت حصة ووقعت وهي مترددة
وكان هذا آخر حوار كان إمبينهم لإنها بنفس اليوم سارت عند خالد وإن تلاقو لسان حصة ما ايي على لسان إمها

عودة للحاضر
حصة وهي مفهية : هاه
أم أحمد والدموع تارسة عينها كانت تتخيل إنها لا شافت حصة بتروم تطنشها بتروم تعق عليها جم كلمة تبرد حرتها فيها
قطع عليهم صوت النرس تنادي ع إسم ظافر
مشت حصة إلي ما صدقت إن النرس أنقذتها
وقالت للدكتور إنه مسخن وبعد ما فحصه الدكتور ضحك وقال : ده وسواس لإنك
بتحبيه أوي خفتي عليه لما ارتفعت حرارته بس دي من كتر الملابس إلي لبستيه
ما ينفعش كده أبداً
حصة إستحت : بس دكتور أنا أخاف عليه يبرد
الدكتور : مش حيبرد ولا حاقة وأنا أنصحك تاخذي لك مقياس الحرارة من
الصيدلية وتاخذي دوى السخونة إن حسيتي بحرارته إرتفعت قيسيها بعد كده عطيه
الدوا ده أحسن حل للأمهات إلي زيك إلي بيوسوسو بمرض أطفالهم أكيد ده أول
واحد
حصة طنشته وشلت ظافر وطلعت وقبل لا تطلع الممر سمعت صوت وراها وكان راشد
راشد والخوف مبين عليه : حصة شفيه ظافر
حصة : ما فيه شي لا تحاتي
راشد مد يده عشان يشيله وهي ما مانعت : عيل شحقة يايبتنه هني ما تخافين ياخذ فيروسات ووين ريم عنه
حصة : حسيت به شوي سخونه وخفت عليه لإنه أساساً ما يرضع عدل ووزنه خاف وايد
فقلت أييبه اطمن والدكتور قالي ما فيه شي ييبه ( مدت يدها ) برد البيت
راشد عطاها بعد ما باس راس ظافر : تبين أوصلج
حصة : لا السايق يترياني برع
راشد بتردد : حصة شخبار ريم
حصة بملل : إنت تشوف هالمكان مكان سوالف ( كانت خايفة إن إمها تشوفها معاه وأكيد مع إمها واحد من إخوانها ) أنا بروح
مشت وحست بريال واقف بويهها رفعت راسها بخوف وكان إخوها أحمد إلي مبتسم بحقد وقهر
حصة بلعت ريجها جم مرة
ويت بتممشي بس وقفها أحمد
أحمد : ع وين تونا ما بغينا نشوفج ونلاقيج يا حلوة
حصة قدرت تفلت ومشت بسرعة صوبب الباركانات بس أحمد لحقها وهي لوت ع ظافر بقوة تخاف يلفحه هوا بارد
أحمد بصراخ : وين بتروحين مني
أم أحمد إلي لحقت أحمد : وين بتروحين بعد ما تكفي السنين إلي شردتي فيها وصعتي فيها
حصة تذكرت ذكرى جمعت بين أحمد وأمه بعد وفاة إبوها بشهرين قالو بنيوز حصة
لخالد البنت مالها إلا ولد عمها الفكرة فكرة أمها والتنفيذ تنفيذ أحمد
وخالد
كانو هم ورى هالتخطيط والسبب إن البيت العود مكتوب بإسمها هي إبوها كتبه بإسمها قبل لا يموت لإن خاف عليها وايد
وقالو يا خالد تزوجها وخليها تسوي لك توكيل وبيع لنا البيت ونحن نكتب جزء منه لخواتك بجذيه تظمن حياة خواتك ونظمن نحن إنه البيت لنا
حصة سمعت الحوار كامل ومع هذا بكل ثوارة وغباء خذته وحياتها مع خالد ما تنوصف إلا إنها كانت جحيم

عودة للحاضر
حصة صرخت : إنتو آخر إثنين تفكرون حتى تتحكمون فيه عقب إلي سويتوه ( أشرت
على أم أحمد ) إنتي حرام فيج كلمة أم حرااااااام تنقال لج تعرفين ليش .....
شوفيني كيف ضامة ظافر عمرج ما ضميتني هالضمة تحميني من الهوا البارد لا
يلفحني عمرج ما سئلتيني شسويت بالمدرسة عمرج ما سئلتيني شأبي شو محتاية
كانت هامتنج المظاهر عمري ما همتيج وأنا طالعه من بطنج بعتيني عشان شي ما
يرزى حتى منو منو اييوز بنته وهي ياهل لا وياخذ حلالها ... بس ما بقول شي
حلال عليكم هني وعافيه عليكم البيت أنا ما كنت أبيه لا بهايج الفترة ولا
اللحين وإنت ( أشرت على أحمد ) ع أساس إنك إخوي عزوتي سندي المفروض إنك
توقف بوييه مخطط إختك وتقول لا تقول إختي صغيرة ع الزواج وصغيرة بعد على
خالد حرااااام عليكم والله حرام عليكم إنتو تعرفوني شكثر عانيت كنت محبوسة
شهور بالمزرعة كان عندكم علم ..... كان عندكم علم إني أضم عمري بالليل
بسبعمية لحاف أخاف واحد من هالهنود وإلا البتان إلي بالمزرعة يتهجمون عليه
....... أكيد كان عندكم علم أكيد مو إنتم كنتم متفقين مع خالد ولد العم
الشهم إلي خذ بنت عمه ولا رواها يوم واحد حلو يمسيني بطراق ويصبحني برفس في
البطن
إنتم مو من حقكم تقولون لي وينج لأني عمري ما كنت بنتج وعمري ما كنت إختك عمري
أحمد قرب منها والعرج براسه يضرب : ايا الخايسة جذيه تكلمينا بعد
بس قبل لا يوصل لها إنمدت إيد ووقفته وكان شاهد على كلام حصة كان دوم متشوق
إنه يعرف قصة حصة يحس إنه قصتها قصه وفعلاً عرفها وخذته العزة والحمية
إنها تنضرب وإلا يستوي لها شي وهي ما قصرت فيه وخادمتنه خدمة العمر إنها
تعتني بولده وحبيبة قلبه الريم
راشد : نزل إيدك أحسن لك
أحمد إشتط : وإنت منو
راشد : أنا عمك
أحمد : تخسي
راشد : تخسي إنت
حصة : راشد لا ادخل نفسك
راشد أشر لها ع السيارة : سيري البيت إنتي وما عليج
حصة : بس

راشد بصراخ : سيري
حصة سارت بهرب خصوصاً لما شافت الشر بعيون أحمد
كانت تمشي ودموعها فوق خدها وصلت السيارة وقالت حق السايق يسير البيت بسرعة
شافت ظافر ولوت عليه بحنان : حبيبي إنت لو إمك ما عطتك حنان أنا بعطيك
عمري وما بحسسك بفقدك أصعب شعور إنك تعيش مع إمك وما تحس إنها إمك
أما عند راشد وأحمد فتمو يضاربون لين فرقو بينهم الناس والسكيورتي وحطو كل واحد بسرير لإن دمهم كان يصب من كل مكان
ما حسوا بأم أحمد إلي كانت ساندة نفسها ع السيارة تعبانة من كلام حصة ومن
شافت الظرابة تعبت وتدوخت بس هي حجزو لها مكان بالعناية لإن إلي صابها جلطة

--\\--

أبتدي بالحمدالله وأحمده وأثني عليه :
وأعترف له بالولايا كل خلقه بين إيديه
كان لي ذا الليل شكوا ببتدي الشكوى عليه
يالا لاه ويا لالاه والثمن جنه وحور
تشتكي همك على الله واشتكي همي عليه
مالنا يا خويه غيره نبتغيه ونرتجيه
نطلبه دربن متينن نسلكه نمشي عليه
يالا لاه ويا لالاه والثمن جنه وحور
فاقدن لي خل غالي فاقد الدرع المتين
فاقده والعين تدمع والضمايير في ونين
خايف ان البعد ياخذ بيننا عهد وسنين
يالا لاه ويا لالاه والثمن جنه وحور
بإنشد القمرا وادور بالسما مرشد دليل
وأنشد الطاير وأقوله وين ذياك الزميل
قبل ما يطوى كتابي وين ألاقي له مثيل
يالا لاه ويا لالاه ما بدى فيكم قصور
عزتي لك يا خوي همك الليله طويل
فاقدن لك راس مالك فاقد الزول الجميل
أطلب الله لك جنان وأطلبه ظلن ظليل
يالا لاه ويا لالاه والثمن جنه وحور
ريم تنهدت واطالعت حصة
حصة : خلاص إبويه ما يصير جذيه هذا وإنتي تعرفين بعوقه المفروض تكونين مهيئة نفسج من زمان
ريم طنشت كلامها وقالت بصوت خفيف : شفيه ظافر
حصة إبتسمت لإنها ردت عليها: ظافر بخير ... تعرفين منو شفت اليوم
ريم إطالعتها وقالت ببرود وهي تشرب الماي : منو
حصة : أمي
ريم شرقت بالماي وتمت تكح
حصة : حلو حلو
ريم : شقالت لج
حصة : تتحرى ظافر ولدي
وبدت تسرد لها الحكاية
ريم إستغربت موقف راشد
ريم : وراشد ليش جيه سوى
حصة هزت أجتافه : ما أدري بس الصراحة أنقذني وإلا يوم شفت أحمد ينضرب يا إنه برد حرتي كان ودي أبوسه
ريم فلعتها بالمخدة : قصورج
حصة ضحكت : ههههههههههه شو تغارين
ريم : جب جب
حصة قالت تستهبل على ريم : يمكن راشد يبي يربي ولده وأنا مستعدة أكون له أم خو إنتي ما تعرفين شي عن ولدج
ريم قالت بعصبية : حصووووووووووو
حصة : ههههههههههههههه أستهبل أستهبل
ريم : أصلاً انا مستحيل أرد لراشد لو يعطيني الملاين
حصة : ليش دامج تحبينه وتموتين عليه
ريم : كرامتي فوق كل شي
معاي وإلا بدوني يحفظك ربي
دقيت بابك ولاكن ما إنفتح بابك
كرامتي فوق كل حساب يا حبي
إلا الكرامة حبيبي إعمل حسابك
حصة : بينكم ولد ..... إنتي لازم تراجعين حساباتج
ريم : ما عشتي إلي انا عشته معاه .... غير لما تشوفين ريلج ع الدخلة وع الطلعة يسكر عليج الباب
حصة : يمكن كان يغار عليج عشان جيه ما يبيج إلا له وحده
ريم : مو غيره هذي شكوك عدم ثقة
حصة : انزين أنا بسألج سؤال إنتي تحبيه

إنتهى البارت 18

**.♥. Ŝαŗõõŋα** الثلاثاء مارس 01, 2011 11:19 am

ऌॡ البـــــــــــــــــــارتـ ((19))ऌॡ

هند : إهتم فيني حط بالك عليه
سكني بروحك وعينك وقلبك
حافظ على أهل القلوب الوفيه
مو كل يوم تلاقي واحد يحبك
ذياب : إنتي بعيوني يا عيوني إنتي
هند بحيا : تسلم ..... أممم ذياب أنا بسير بيتنا اليوم وببات هناك
ذياب تضايج : ليش إنزين
هند قالت بتررفع ضغطه : جذيه مليت منك
ذياب : افا لا يكون زعلانه مني .....
هند ضحكت : أزعل من الدنيا ولا منك
ذياب : حرام عليج خبصتي قلبي
هند ردت تكمل الإغنية :
لو قلت لك زعلان جيب لي هديه
لو قلت لك ما أبيك قولي أحبك
لا تزعل إن كدرت جوك شويه
قلبي طفل ويحب يلعب بقلبك
ذياب وهو يقرب : أنا مو إلا أحبج أنا أموت فيج
--\\--
ام أحمد : أحمد ييب لي حصة أبيها أحمد ييبها اللحين تييبها
احمد : يما ما أعرف هي وين
أم أحمد قالت بتعب وصوت واهن : ييبها يا يما أبي أشوفها قبل ما أموت
أحمد : يعل عمرج طويل يما
عبدالله بتساؤل : حصة ؟؟؟ شياب طاريها اللحين
أحمد : بو مايد دخيلك تذكر الريال إلي تضاربت معاه ذاك اليوم يوم إمي طاحت
عبدالله : هيه ولد سيف بن الــ أذكره
أحمد : دخيلك سير له وإسئله تراه يعرف مكانها
عبدالله بغباء : وشو يخصه فيها
أحمد فارت أعصابه : إنت أسأله جانه يعرف

بعدين

راشد : الو
عبدالله : السلام عليكم
راشد : وعليكم السلام منو معاي
عبدالله : أنا عبدالله الـ
راشد عقد حياته : آمر إخويه
عبدالله : أنا إخو حصة
راشد تعدل باليلسة وعقد حياته : زين وبعدين
عبدالله : أبي أعرف وينها قولي جانك تعرف
راشد : وإن ما قلت لك
عبد الله : الوالده طايحة بالعناية بين الحياة والموت أول ما فجت عينها ما على لسانها إلا إسم حصة تبي تشوفها وشكلها بآخر أيامها
راشد : أها خلاص أنا ببلغها الرسالة
عبدالله عصب : انا مو متصل بك عسب توصل رسايل أنا ابي عنوانها
راشد : قلت لك بقولها أول ويصير خير جانها تبي تشوف هايج إللي يا زعم إنها إمها وجانها ما تبي فهذا كله برايها
وبند في ويه عبدالله
---\\\---
تلبس وكشخ عدل الغترة وخلى العقال مايل ع صوب تعطر لين حس بالعطر تغلغل بأنفاسه
نزل وسلم على أمه وأبوه وأخوه سهيل إلي كانو يالسين في الصالة
راشد : سلام عليكم
الكل : وعليكم السلام
أم راشد : ما شاء الله عليك يا ولدي غادي جنك معرس
راشد إبتسم ع مدح إمه : فديتج يا إميه
سهيل : وين بها أي مووول
راشد طالع بنص عين فهم نغزته : موب ساير أي مول إنزين
بو راشد : عيل وين بتسير جيه كاشخ اللحين العصر
راشد إنحرج حتى إبوه يدري إنه ما يكشخ إلا إذا بيسير المول
راشد : ما شي إبويه بسير شويه جدا ظافر تولهت عليه
أم راشد بمكر : تولهت عليه وإلا على إمه ( غمزت له )
راشد إنحرج وقال : الإثنين
سهيل : أونك عاد أصلاً السيرة كلها لها وإلا ما تسبحت بالعطر هالكثر لا
وكندورة يديدة وغترة يديده والعقال ع صوب إندوكم محدد لحيته بعد
راشد إنحرج منه وإنحرج أكثر لما شاف ضحكات إمه وأبوه
ام راشد : ابويه نبي نشوف ولدك هني يكبر يدام عيونها
راشد : إن شاء الله يما قريب

طلع وسار صوب بيت ريم
شيك على نفسه بالمنظره ورتب الغترة ونزل دق الباب وفجت له الخدامة وقربته الميلس بعد شوي دخلت وقربت له عصير وشويه فطاير وكيك
الخدامة : بابا منو يبي
راشد : منو فيه
خدامة : ماما ريم وماما حصة
راشد : نادي كلو
الخدامة هزت راسها وسارت تزقر له حصة وريم
بعد شوي دخلن ريم وحصة شايلة ظافر
راشد وقف لما شافهم
حصة : السلام عليك
راشد : وعليكم السلام
قرب وخذا ظافر منها ويلس وخلاه بحظنه
راشد : وش حالكم
ريم وهي تتطالعه بنص عين : من الآخر شبغيت
راشد : محتاين شي وإلا شياته
ريم : الخير وايد والله يغنينا عن خدامتك
راشد تنهد : شوي شوي ع عمرج أنا ياي عشان حصة وظافر
ريم تغصصت وحصة كتمت ضحكتها على ملامح ريم
حصة : راشد ذوق الفطاير والكيك ترا أنا إلي مسويتنه
راشد : ذقتهم لذيذات أكرمج لله
حصة تتصنع الحيا : تسلم
راشد قلبت ملامحه جديه : أنا عندي موضوع أبيه أقولج إياه
قطع عليهم دخول الخدامه وهي تقول : ماما ريم في هورمه برى يبي إنتي وماما حصة
ريم عقدت حياتها : منو
الخدامة : مابي قول
ريم نشت ونشت وراها حصة
حصة : عن إذنك
راشد : ع راحتكم
سارن يطالعن منو وكانت الصدمة إنها هند
حصة : بدري ترى العزى مخلص من شهر جانج ما تدرين
هند : حصوص مو وقتج ....... أنا يايتنكم بموضوع ضرووري و
ريم : هند شفيج
حصة : شفيج .... ؟؟
هند : إنسوني
ريم وحصة : شوووووووو
هند : أنا خلاص إنسانه متزوجه وتواجدي معاكم بيخرب بيتي
حصة : مستعرة منا
هند مطنشتنها : أنا ما أبي أخسر ذياب .... وذياب ما يدري إني هني لو درى
بيسوي لي سالفة وانا اللحين راده بيتنا حتى بيتنا وام مشعل وشيخة إنسوهم
حصة : وليش كل هذا
هند : ليش لإن ريم خذت راشد وراشد اللحين بيطلق مروة عشانها ووو
حصة : وإنتي نسيتي ليش خذته نسيتي ..... خذته عشانج يا حلوة عشان ما تدخلين السجن
هند : أنا شاكرة لها وجميلها ما بنساه بس ...
راشد من وراهم : تسوين كل هذا عشاني عشان ما أقول لذياب من إنتي
هند شهقت لما شافته
ريم : راشد خلاص
راشد : لا مو خلاص ترى من زمان كنت أعرف إنج إنتي زوجة ذياب وإن أم مشعل ما
هي بنت خالة أمج أساساً معرفتج فيها ما تتعدى السنة وإنج كنتي مع ريم وحصة
في الشقة وشارده أعرف كل هذا وما قلت له لإني شفته فرحان وطاير من الفرحه
معاج بس للأسف ما يعرف شو من الناس هو ماخذ
هند خافت وتمت تلف بنظرها بين ريم وراشد وحصة
حصة : حسافة فيج المعروف
ريم كانت صاخه بس فجأة نطقت : هند اللحين تطلعين من هالباب ولا جنج عرفتيني
بحياتج ولا عرفتي حصة أو حتى راشد بس قبل لا تظهرين دقيقة بييب شي وبعطيج
إياه
بعد شوي ردت وهي شاله ورقة : هذا ثمن معروفج لي طول السنين
هند شلت الورقة وكان خياط مأثث وموقعه ممتاز لا ومكتوب بإسمها
ريم وهي تصد لراشد : وإن جان باقي لي عندك غلاة لا تقول لذياب شي
راشد : ما بقول بس عشانج
ريم : مرده بيعرف إنه إلي خذها ما تستاهله وإن إخوها ما ظلمها هي بالعكس ظلمه هو
حصة : ربي يوفقج ويسعدج
طلعت هند ودموعها بعيونها
راشد : شو من بشر هايل
حصة : دخيلك فكنا من هالسيرة ما قلت شكنت تبي
راشد : إمج
حصة بلعت ريجها : أمي ..؟؟
راشد : بالعناية تبي تشوفج
حصة شهقت
راشد كمل : يقولون إنها بين الحيا والمووت وما تنطق إلا بإسمج تبيج
حصة ودموعها تجمعت طالعت ريم إلي ابتسمت لها
ريم قالت بمزح : شفتي عاد دعوتي ما مر شهر إلا وهي تباج بحظنها
حصة : عدال يا السديس
راشد : تبييني أسير وياج
حصة بتردد : ما أعرف
ريم : سيري وراشد معاج ما بيرمون يسون لج شي إنتي خلاص اللحين مو قاصر كملتي ال21 وشورج عندج
حصة : هزرج
راشد : ما عليج بتم معاج جان تبيني أدخل معاج العناية عند إمج بدخل
حصة : بس لو سألوني شتصير لي
راشد : لو سألو أنا برد عليهم سيري تلبسي
حصة سارت وتمن ريم وراشد توه راشد بيتكلم إلا يقطع عليهم صوت صياح ظافر وربعو له كلهم بس أول واحد كان راشد شله وهو يلاعبه
ريم : يبيه بوديه داخل
راشد : لحظة أبي أكلمج
ريم : شبغيت
راشد : ريم أنا أبيج حليلتي
ريم هزت راسها بلا
راشد بإحباط : لييييييييييش
ريم : لا يلدغ المؤمن من جحرٍ مرتين ....... هذيج الغلطة مستحيل أكررها
راشد : أنا أبي ظافر يتربى بيني وبينج
ريم : يتربى مشتت إمبينا أحسن من إنه يعيش ويشوفك كيف تعاملني
راشد : لالا كل شي بيتغير حياتنا ما بتصير نفس قبل مستحيل تصير أساساً هالمرة بنعيش مع أهلي بين إمي وأبوي بعوضوج عن كل شي صدقني
ريم سكتت
راشد برجى : دخيلج فكري والله والله أني ما أريد سواج إن جاني ما خذتج مستحيل أخذ غيرج
ريم بإستهزاء : ومروة
راشد : مروة كانت إجبار من إبوي ولما عرفت إني متزوج هي إلي ما بغتني
ريم : يعني إنت تباها
راشد : ما إبي غيرج
ريم : راشد لا تغلبني معاك قلبي ما يقوى عذابك
راشد : فكري بعدين ردي علي
--\\--
لا تغلبني معاك قلبي ما يقوى عذابك
اما قدم لي هواك أو تناسى وصك بابك
لما أتقرب تروح وأبقى اسأل وأرتجي
وكلما أنسى وأروح يمي بنفسك تجي
حدد دربك من سماك ولا تغلني معاك
يامسيرني بطريق ماله أول أونهايه
أتبعك مثل الغريق فيك أدور عن بداية
وانت في عز احتياجي لعبتك همي وشقاي
ليته العشق بمزاجي كان مشيتك وراي
صارت ادموعك جزاك ولا تغلبني معاك
خل في قلبك حنان واحسب حساب لزمان
رفعك لأعلى مكان بكرة يتبدل مكانك
الزمن ماله خوي وافترض لو صد عنك
ولا تقول إنك قوي فيه منهو أقوى منك
اقتنع الله يهداك ولا تغلبني معاااااااك
--\\--
في المستشفى
يت حصة وكان قلبها يرقع من الخوف وشافت خالد واحمد وعبدالله وعلي
خافت
حصة : راشد خلنا نرد بس مو لازم
راشد : افا عليج ما يرومون يسون لج شي أنا معاج
حصة : أخاااااف راشد شوف شوف خالد كيف يطالعني
راشد يطالعه بإستحقار : خله يولي إن قرب صوبج دسته
لما وصلوا
راشد قال ببرود : سلام
محد رد عليه
خالد تامه عينه على حصة وقزها قز : اللحين شردتي عشان هذا
حصة ضاعت الكلمات بحلجها
راشد : خير الإخو موب عايبنك
خالد : مووووووول
راشد بعدم مبالاه : موب لازم أهم شي أعييب ناس غيرك

خالد عصب ومسكه علي وهو يطالع إخته بإستحقار
حصة ما حبت هالفكرة ترسخ براس إخوانها : راشد قول لهم منو إنت بالنسبة لي
راشد : نسييبتي
حصة يتها الضحكة وتذكرت هايج المرة يوم تناديه النسيب
علي : ماخذه إخوه
راشد : لا أنا ماخذ إختها
علي : ما عنا خوات نحن
راشد : خوات الدنيا أحسن عن مخوتكم إلي مامنها فايده
خالد : إنت هيييييه إلزم حدودك
حصة : ليش هو ما قال شي غلط بالعكس إلي قاله كله صح
راشد : إدخلي داخل أنا بترياج هنه
لما دخلت حصة
خالد قال بقهر : منو قالك إنها بترد معاك
راشد قال ببرود : أعصابك لا ينطر لك عرج ...... أنا إلي يبتها أنا إلي بردها
عبدالله تكلم : خلاص إنت أديت مهمتك وصلتها لين هني ونحن أهلها وملزومين بها
راشد : تخسون وتهبون بعد
أحمد : تخسي إنت أنا مسؤول منها وولي امرها
راشد : هههه ضحكتني والله ولي أمرها هذا أول البنت اللحين كملت 21 مسؤولة عن نفسها ومحد يروم يحاسبها
علي : ليش نحن وين عايشين في أمريكا
راشد تم يلعب بتليفونه مسفه فيهم وطرش لسهيل إخوه مسج إنه اييه المستشفى
وسهيل يا حبت عيني ياي خايف إستوى لإخوه شي ياي على وجه السرعة وإلا راشد
خاف يتوحدون عليه وهم أربعه وهو بروحه ويرمون عقب ياخذون حصة
-
أما داخل الحجرة عند حصة
وقفت فأبعد زاويه تناظر إمها قالت عشان تفك عمرها : أنا مو ياية هني عشان
اتشمت ولا ياية أزورج أنا ياية بقولج كلمتين وبروح قالو لي إنج بغيتيني
وقلت أختصرها علي وعليج أنا حللتج سامحتج موب لشي وموب لإني أحبج أنتي
مهما كنتي إمي ومهما سويتي فيه بتمين إمي إلي تحملتيني ببطنج 9 أشهر ولج
فضل عليه وفضلج هذا برده وأريح تفكيرج وهمج أنا مسامحتنج ومححلتنج
أم أحمد : دامج مسامحتني تمي معاي
حصة هزت راسها بلا : أنا بروح اللحين
أم أحمد : أبي أشوف ولدج
حصة : هذاك مو ولدي أنا ما تزوجت
أم أحمد : ولد منو
حصة : ولد إلي تضارب مع أحمد هاك اليوم ماخذ ربيعتي إلي انا تامة معاها ع العموم أنا بظهر اللحين
أول ما طلعت حصة شهقت لإنها شافت خالد ماسك راشد من كندورته وبيضارب
سيدة ربعت ودزت خالد
خالد بقهر : ششوه ادافعين عنه
راشد وهو يبعدها : حصيص سيري بعيد إنتي
عبدالله مسكها : لا لا وين بتسيرين يا حلوة
شهقت حصة بخوف ما تبي ترد ومسكت كندوره راشد : راشد دخيلك لا تخليهم ياخذوني

إنتهى البارت التاسع عشر

**.♥. Ŝαŗõõŋα** الثلاثاء مارس 01, 2011 11:29 am

ऌॡ البـــــــــــــــــــارتـ ((20 ))ऌॡ

حصة صرخت لما خالد لكم راشد ع ويهه : راااااااااشد لااااااااا
خالد من سمع صوتها وكلامها بدون شعور منه تم يضربه أكثر
بس حصة ما عرفت إنها أنقذت راشد لما صرخت لإن سهيل إلي كان يدور في
المستشفى يووم سمع الصرخة ربع ويوم شاف إخوه ينضرب ربع وعطا خالد بوكس من
قوته خالد رد ورى شوي عقب طاح (( وايد أشوف أفلام هنديه ما عليه تحملوني ))
راشد نش وسار صوب عبدالله وتم يفاجج حصة منه بس علي كان له بالمرصاد
وأحمد وخالد كانو يضاربون مع سهيل
بس سهيل بحكم بنيته الأقوى منهم كلهم بضربه مني ورفسه مني خلاهم مسدحين في
الأررض ( يا حسرة جاكي شان ونحن ما ندري ) وربع عند إخوه يساعده وفجو حصة
راشد : سهيل خذها ووديها أي مكان بسرعه
سهيل مسكها وتم يركض و وراه حصة طايره ودموعها معاها حاول أحمد يلحقهم بس
لإن سهيل رفسه رفسه على ريله صارت ريله تألمه وما رام يلحقه
أما راشد ف تم يضارب مع عبدالله وعلي لين فجج ضاربتهم السكيورتي ووطردوهم من المستشفى
خلص ا لفلم الهندي هع هع
في سيارة سهيل كانت حصة تصييييييح خووووف من إلي إستوى
سهيل : وين تبين اوديج
حصة بصوت مبحوح : البيت
سهيل : وين بيتكم
حصة قالت له إسم المنطقه ويوم وصلوا دلته البيت وقبل لا تنزل قال سهيل بتردد
سهيل : شو السالفة ليش راشد سوى جيه .... منو هايلاك
حصة : إنت إمنو أول
سهيل : أنا إخو راشد
حصة قالت بتردد : هذيلاك إخواني وولد عمي
سهيل فج عينه : وراشد شيخصه فيكم أنا لو ادري ما شليتج ولا دافعت لا عنج ولا عن إخوي
حصة إنقهرت من رده بس قالت : ع العموم مشكور
أول ما فجت الباب قال سهيل : حو حو وين تبين ركبي بردج لإخوانج مافي أبتلش فيج وإلا بأخوانج
حصة خافت وربعت داخل بس سهيل كان أسرع منها ووقف يدامها بطوله الفارع : ردي بوديج لأهلج
حصة خافت منه : خلاااااااااااص قلت لك إنت سويت إلي عليك وخلااااااااص
سهيل : لا والله وباجر لا إرفعو علي قضية إختطاف شأستفيد انا
حصة : ما بيصير شي بس خلااااااااص روووووووووووح
طلعت ريم وهي شاله ظافر تتطالع شالسالفة
ريم : حصة شفيج ..... منو هذا
حصة ربعت صوبها وسهيل صد صوب مصدر الصوت وبهت لما شاف ريم
حصة : هذا إخو راشد
ريم إبتسمت وأونها تكلم ظافر : حبيبي هذا عمك شوفه شوفه
سهيل خلاص دورو عليه ما تلاقونه حس بحيا هذي إلي طار فيها راشد من حقه يطير بها ويطير عقله بعد إذا هو من مرة وحدة تنح
سهيل : السموحة ما ييتكم قبل هالمره والسموحة ع الطريقة إلي دخلت بها البيت
حصة تمت تطالعه بنص عين
ريم إبتسمت له وسهيل خلاص ذاب من إبتسمت وحصة يالسه تتطالع ملامح سيهل كييف تتغير
ريم : تفضل الميلس حياك
سهيل حط إيده ع راسه : مرة ثانية عندي شغل شويه
ريم : لا ما يصير وصلت لين بيتنا وما تتقهوى
سهيل : أكرمج الله
ومشى للميلس وهي سارت تزاقر ع الخدم اييبون شي حق سهيل بعد ما خلت ظافر بين إيدين حصة وقالت لها وديه لعمه يمكن يبي يسلم عليه
حصة تمت شوي عقب إستوعبت وسارت الميلس وقالت من عند الباب : تبي تشوف ولد إخوك وإلا لا
سهيل كان سرحان بأفكاره وحصة قالت بخاطرها وهي مبوزه " مالت عليه "
حصة صرخت : حووووووووو
سهيل تخرع وصد عليها : شو حوووو تنادين بيدار إنتي
حصة : والله من متى منزرعة أنا هني وإنت معطني بو لباس
سهيل : شتبين
حصة : ما أبي شي منك إنزين ......
سهيل : عيل زولي
حصة إنقهرت منه قربت منه وخلت ظافر بحظنه وطلعت وسهيل كتم أنفاسه لما كانت قريبه منه
وقبل لا تطلع قالت : لا تنسى إنها كانت حرمة إخوك
وطلعت
وسهيل تفاجأ فيها كيف فهمته طالع ظافر إلي بحظنه وتم يلاعبه وبعد شوي دخلت ريم مع الخدامات وهن شايلات ما لذ وطاب
وسهيل بينه وبين نفسه " أما راشد غبي كيف فرط فيها وطلقها صدق إنه ثور "
ريم : إقرب
سهيل : قريب
بعد شوي إستأذن سهيل وسار بيته
هناك
أول ما دخل شاف راشد يالس وامه تعقم له جروحه
راشد : أبطيت ...... أأاى يما شوي شوي يعور
سهيل تنهد
أم راشد : شفيك يما
سهيل : يما ولدج غبي تعرفين وإلا ما تعرفين
راشد : حــــــــشم
أم راشد : لا يحشم لا شي ما ياب شي يديد
راشد : يماااا .. ( صد صوب سهيل ) وليش إن شاء الله غبي
سهيل : اللحيين حد يحصله وحدة شرات أم ولدك ويطلقها
راشد إطالعه مصدوم من كلامه
سهيل : لا تتطالعني جيه أنا بس شفتها مرة وضاعت علومي
راشد حس بالغيرة : وليش تشوفها

سهيل : وأنا قدرت أنزل عيوني
أم راشد : ليش يما حلوة
سهيل : أحلى ما خلق ربي
راشد قام صوبه : سهييييييييل
سهيل : شو فيك تراني ما قلت شي
راشد : شو ما قلت شي تراك تتغزل بمرتي يدامي
سهيل : كانت مرتك
راشد بقهر : إنت شو وداك هناك
سهيل قال يقهر إخوه : سرت أشوف ظافر ورحبت بي الحرمة ما قصرت
راشد مسكه من رقبته : إن شفتك وطوطت عندها بدوسك سمعت
سهيل : إيزي إيزي ...... ما صار شي
راشد : بيصير شي لو رحت مرة ثانية
--\\--
الساعة 8 ونص نزلت ريم من الدري وكانت لابسة عباتها وشيلتها وشالة شنطتها
بيدها نزلت تحت شافت حصة تعابل ظافر إبتسمت دومها حصة تعابله وتسوي له
كل شي
بستها وبست ظافر
حصة : ظفوري شوف ماما بتطلع سوي لها باي
إبتسمت وقالت لحصة : أنا سايرة الشركة ببدا الدوام اليوم
حصة : هيه جيه إباج مو عاقة الشركة من شهر جان ما صفو السوق عنج
إبتسمت بثقة : ما أكون الريم جان ما غسلتهم غسال
حصة : شوي شوي علينا يالواثق
ريم : يالله أنا بروح تبين شي
حصة : لا سلامتج
ريم : يالله تشاو
طلعت ريم وتوجهت للشركة عاد اليوم بتمسك الشركة وبتبدى الشغل
أول ما دخلت ريم طاحت عينها ع واحد طويييييل لفت نظرها طوله حركت نظارتها ع
أساس تشوفه عدل ما تدري ليش شدها وايد ذكرها بطول إنسان تعرفه يوم قربت
عرفته وقفت إلا بلمت لما عرفته
حست إنها مشبهه عليه هزت راسها وغيرت دربها وإتجهت لمكتبها وطرشت الفراش
اييب لها ماي وشربته دفعه وحدة وهي تهز راسها أكيد مو هو أكيد هي تتخيل
شافت نفسها بالمنظره عدلت شيلتها وحركت الأمطه إلي كانت لابستنها تحت
الشيلة وثبتتهها عدل هي اضطرت للبسها لإن شعرها نعيم ويطلع من الشيلة وينفج
بسرعة خصوصاً اللحين لما طول شوي
فسخت نظارتها ونظفتها وردت لبستها رتبت الأوراق إلي يدامها وطلبت من السكرتيرة تطلب رؤساء الاقسام في إجتماع
بدت الإجتماع وبدت تعرض أفكارها ومشارريعها للتوسعه
عادل : بس نحن أوردي من أكبر الشركات فليش نغلب عمارنا
طالعته ريم بنص عين وقالت : حتى لو كنا أكبر شركة في العالم .. المفروض ما
نيلس بالعكس نثبت وجودنا وأحقيتنا بالسوق وبعدين هذا شغلك ولازم تحلل
معاشك
إستحى عادل
وتمت تكمل الإجتماع وقالت إنها ما تقبل التسيب في العمل ولا تعرف يما إرحميني
قطع عليها الإجتماع إتصال السكرتيرة وتقولها إن في واحد يبي يقابلها
وقالت لها يوم يخلص الإجتماع خله يدخل
وفعلاً لما خلصت الإجتماع وهي ترتب أوراقها حست بحد يدخل تنحنح رفعت راسها وإنصدمت نفس الصوت نفس الملامح نفس الطول نفس الرزة
حميد بإبتسامة عذبة : السلام عليكم
ريم : وعليكم السلام هلا حميد تفضل إيلس
حميد : شلونج
ريم : انا بخير إنت شتسوي هني
حميد : أنا حولت ع الأمريكية هني
إستغربت ريم ليش يبي يتغرب
ريم : ليش
حميد : سمعت إنج رديتي الإمارات فييت هني
ريم وقف قلبها عن النبض : عشاني
حميد نزل راسه : أدري إنج ما حبيتيني ورفضتي عرضي للزواج وما حبيتي تجرحيني عشان جيه ييتي الإمارات لا حس ولا خبر
ريم : لا موب جيه السالفة
حميد : إنتي جرحتيني لما ما رديتي عليه..... ييت هني ودورت عليج عرفت إنج صاحبة هالشركة أبارك لج إنجازج الصراحة
ريم : هذي إخوي سالم كتبها لي بإسمي
حميد : رديتي له
ريم دمعت عيونها وعقت النظارة ومسحت دموعها : عطاك عمره
حميد : لا حول ولا قوة إلا بالله ... إنا لله وإنا إليه لراجعون
ريم : ونعم بالله
يت ريم بتلبس النظارة بس حميد خذها
ريم : حميد ييب النظارة
حميد : خلج جيه أحلى بوايد
إستحت ريم من تعليقه
حميد :
جيتك وشوقي في عيوني أشله
مشتاق لعيونك يا بعد حالي
وأحمل بقلبي لهفة الكون كله
وأهدي لك ساعة أشوفك قبالي
هذي حياتي في غيابك مملة
والشاهد الله منها ضاق حالي
أنت حبيبي وشمس قلبي وظله
غالي على قلبي وما زلت غالي
إنت الحبيب أعزه وأجله
وإنت الوحيد إلي يطري في بالي
مثلك على الدنيا حبيبي أقله
لك في حياتي منزلة وقدر عالي
قدرك على ما هو باقي محله
ساكن بقلبي وعشتك راس مالي
إن جيت وإلا ورحت ما إنساك إله
بس في غيابك عني يكثر سؤالي

ريم إستحت منه والمكان والزمان مووووول مو مناسبين
حميد : قولي لي شسويتي
ريم : أنا تزوجت
طاحت النظارة من يدين حميد بس إستوعب ومسكها بسرعه وحطاها ع الطاولة ملامح حميد كانت ما تتفسر موووول
ريم كملت : وتطلقت
حميد يا بيتكلم بس قطع عليه دخول السكرتيرة وهي تقول : إستاذة في ريال برع يبيج
ريم عقدت حياتها : منو
السكرتيرة : يقول إنه بو ظافر
ريم إختبص ويهها وطالعت حميد حميد وقف وقال : أشوفج بوقت ثاني
ريم : مع السلامة
ولما طلع حميد طاحت عينه على راشد
وراشد لما شاف حميد حس بنار في يوفه دخل بسرعه وحميد عقد حياته وهو يتذكر راشد وأيام الجامعة وسمعته
أما راشد لما دخل سكر الباب بقوة وطالع ريم بنظرات قهر : شيسوي هذا هني
ريم سوت نفسها مشغولة شوي : هذا شي ما يعنيك ..... نعم شبغيت شأقدر أخدمك فيه
راشد قرب ويلس بالكرسي إلي مجابلها شافها وهي تلبس النظارة وقال : بعد عاقة النظارة عشان تفتنينه
ريم تنرفزت : إنت شعندك اللحين شتبي أنا عندي شغل
راشد وهو يهدي نفسه : حتى أنا ياي أشتغل
ريم : نعم
راشد : زين إطلبي لي شي أشربه
ريم رفعت السماعه وإتصلت ع الفراش وقالت له اييب إثنين كوفي سكر وسط
راشد إبتسم : بعدج تعرفين إني أحب الكوفي والسكر لازم يكون وسط
ريم : ما أتوقع إن هالموضوع يخص الشغل
راشد : ريم شرايج بموضوعنا خلي الشغل ع صوب أنا سرت البيت قالت لي حصة إنج داومتي وييت سيدة هني
ريم : أنا محتاجة أرتب أفكاري شوي
راشد إبتسم : يعني في أمل
ريم هزت راسها بلا
راشد عقد حياته : عيل شو ترتبين أفكارج عسب شو
ريم : ممكن ما تضغط عليه
راشد : ريم أنا والله والله أحبج إلا أموت عليج ما أتحمل كل هالريايل
ايشوفونج تعرفين أمس لما قال لي سهيل إنه ياكم وإلا يوم قال لإمي إنج حلوة
كنت بذبحه هذا وهو إخوي
ريم : هذا سبب يخليني أرفض وفي أسباب ثانية بعد
راشد وقف : دخيلج فكري عدل مو ذنبي إني أحبج هالحب كله
ريم : يصير خير
راشد : لا تفكرين بعقلج فكري بقلبج وبولدج
طلع وخلى ريم ففي أفكارها
--\\--
معقولة في حب نفس حب حميد لريم طلع من بلاده وضيع سنة من عمره عشان بس سمع إن ريم ردت البلاد
هيه بقولكم فيه هذا واقع صار لشخصية أعرفها

--\\--
بعد شهر تقريباً إنقطع راشد عن ريم بسب إنشغاله بالشركة وحب يعطي ريم فرصة
أما ريم فرتبت أفكارها اتخذت قرارها وانشغلت بالشركة إلي ماخذة أغلب وقتها
صار عمر ظافر 6 شهور
حصة : ويييه فديت أنا إلي يبي يحبي
كان يالس يدز ويسحب بعمره في الأرض يبي يوصل لحصة
ريم شافته وشلته باسته وردته الأرض
حصة وهي تتطالعها بنقمة : وايد عليج
ريم : حصوص مو متفيجة أنا اللحين
حصة : ترى ما يبي منج شي غير دقايق من وقتج
ريم : مشغولة أنا
حصة : وشغلج أهم من ولدج
ريم : حصيص ..... ممكن تسكرين الموضوع
حصة بعصبية : إنتو ليش تييبون عيال إذا ما تهتمون فيهم
ريم بنفس عصبيتها : ومنو قالج إني كنت ابي أييبه
حصة بصدمة : ريم ..... هذا مو كلامج أول ما ربيته
ريم : هذيج الفترة كنت أبي اريح سالم إخوي سويت كل هاه عشان يرتاح ويريحني معاه
حصة : بذمتج إنتي ما تحبينه
ريم : أوهو حصو شعندج إنتي اليوم
حصة : خلاص خلاص إبوي بس ترى حرام إلي تسوينه بولدج
ريم : ما أقدر أحبه مجرد إن إسمه يرتبط بإسم راشد هذا كفيل إني اكرهه
حصة فجت عينها : كلااااام يديد هذا يعني إنتي بعد ما تحبين راشد
ريم : لا ما احبه
حصة : أصلاً إنتي متى حبيتي حد
ريم : حصيص إحترمي نفسج أنا ضفيتج ولميتج ولبستج وأكلتج وو
حصة قاطعتها والدمعة بعينها : مشكورة ما قصرتي يا الريم كفيتي ووفيتي
قامت وريم ما سوت لها سالفة وهي حاطة ببالها شوي وترد شرات ما كانت
راحت الدوام وخلت ظافر في الارض يلعب روحه
--\\--
أما عند حصة فكرامتها ما سمحت لها إنها تتم أكثر لمت أغراضها خذت فلوسها
وإثباتاتها وطلعت من البيت بعد ما حضنت ظافر ووصت الخدامة عليه
كانت دمعتها بعينها ما تعرف وين تروح اللحين هي عندها معاش الشؤون تروم
تتدبر به نفسها كل شهر وعندها بعد جم فلس جمعتهم من ييت عند ريم
ركبت التاكسي وخطر ببالها أبعد مكان تبعد فيه عن الكل فاختارت تروح العين
هالمدينة محد يروح لها من أهلها ولا حتى ريم هناك بتعيش وحيدة ومرتاحة
--\\--
إنتهى البارت العشرين

**.♥. Ŝαŗõõŋα** الثلاثاء مارس 01, 2011 11:45 am

ऌॡ البـــــــــــــــــــارتـ ((21 ))ऌॡ
وهو البارت الأخير

في الشركة
السكرتيرة : أستاذة عندج تليفون من البيت
ريم عقدت حياتها : منو حصة
السكرتيرة : لا إستاذة أظني الخدامة
ريم خافت شعندها تتصل علي وقت الدوام : حوليها علي
وحولت المكالمة
ريم : الو
الخدامة وصوت ظافر واصل ريم وهو يصارخ : مدااااااام هذا باجا مشكل كلو صيح صيح أنا ما يعرف سنو يسوي
ريم : وين مدام حصة
الخدامة : سيل أغراض مال هي وروه برى بيت
ريم مجرد فكرة إنها ترد البيت وحصة مو في البيت أثرت فيها : يمكن راحت جمعية اللحين يجي
الخدامة : لا ماما أنا شفتي شلت سنطة كبير في كل سياب مال هيا
ريم :وين راحت
الخدامة : مافي معلوم ........ ماما هذا باجا وايد مشكل ما يعرف أنا سنو يسوي
ريم : خلاص تعالي إنتي والسايق الشركة
الخدامة : أوكي ماما
ريم شافت الأوراق إلي بيدها : وإلا أقولج تمي انا اللحين برد البيت
الخدامة : اوكي ماما
بندت ريم وقالت بملل : اففففففففففففف مو وقتها مووووووووووول حصوص ومراهقتها
رفعت التليفون واتصلت بها ما ردت
بعد إتصلت

بعد ما رت عليها
وآخر مرة ردت
ريم : حصيص عيني من الله خير وردي
حصة : أنا رديت عليج عسب بس أعطيج خبر أنا بفكج مني ومن مغثتي من زمان وأنا
حاسة إني ثجيلة دم بس تصبرت عشانج وعشان ظافر بس بعد الكلام إلي قلتيه
مستحيل أرد
ريم : حصوص حبيبتي أنا آسفة حقج علي
حصة : إلا الكرامة حبيبي إعمل حسابك
بندت في ويهها
--\\--
بعد إسبوع
عند حصة
في العين
ما حبت تعيش حبيسة في الشقة ما عرفت وين تروح ودها تغير جو صار لها إسبوع يالسة ولا تحركت
لبست وقررت إنها تطلع ع الأقل اليوم طلعت من الشقة ومن العمارة كلها وسارت صوب العين مول
تمت تفتر ما تعرف شو تبى ما تدري ليش هي مكتئبة سارت صوب الكوفي طلبت لها موكا وإنتظرت طلبها
مرت الذكريات في بالها لما سارت البحرين وعاشت هناك إبتسمت من خاطرها شكثر
تولهت ع البحرين قاطعها القرسون وهو يحط طلبها ويوم رفعت راسها شافت ع
الطاولة إلي مجابلتنها شخص تعرفه شخص كان سبب في مشاكل صارت لها
هذا الشخص لما شاف حصة وقف مستغرب ومشى صوبها وقال : يا محاسن الصدف إتصدقين عاد كنت حاسة إنكم هني عايشين
رفعت حصة حاجبها لما شافت هالشخص سحب كرسي ويلس : انا مو من العين ولا هند ولا ريم من العين
...: عيل شعندج هني ناطرة حد
حصة تنهدت : لا أنا بروحي كلن تخلى عني
...... : أمبيييييييييييه صدق .... تفرقتوا
حصة : تتشميتين يا راوية
راوية : لا مو قصدي والله
حصة بسخرية : واضح
راوية : حصة إمي وين
حصة : إمج ما معاها ولا فلس فلا تحاولين
راوية : وإنتي ليش ماخذه عني فكرة سيئة جذي
حصة : لإن إمج ما تستاهل إلي سويييييييته لها
راوية : كمااااااان ...... وشو إلي يخليج تقولين هذا
حصة : لإني عمري ما شفت إم تحب بنتها كثر إمج أنا إمي حية وعمرها ما حسستني إني بنتها أو إنها تحبني عشت الضيم معاها
راوية : إنتي تعرفين إن إمي هي إلي تخلت عني وأنا ماسكة عباتها وأصيح واقول
لها لا تخليني وهي راحت عني وخلتني مع إبوي هالذكرى عالقة في ذهني ولا مرة
تزحزحت من مخي إبوي ما قصر فيني رباني ودخلني أحسن المدارس وأحسن الجامعات
ولبسني اغلا الماركات كل شي سواه لي كل سنة يسفرني ديرة ويمشيني شهرين
وشوى أشيا أكثر عن جيه بعد ..... أمي مافي ذاكرتي موقف حلو لها
حصة : والفلوس إلي نصبتي عليها وخذيتها
راوية : هذي فلوسي وحقي ....... من صجج إنتي إمي من وين لها فلس كل هالحلال
كان حلال إبوي البيت بإسمه والدكاكين بعد ...أبوي في ورطة شتبيني أسوي رحت
وبعت حلاله فلوسه عشان اطلعه من الأزمة إلي هو فيها
حصة : واللحين وين إبوج
راوية نزلت راسها : عطاج عمره
حصة : وليش ياية هني
راوية : مالي مكان مالي أهل مالي ربع مالي حد شتبيني أسوي يعني

راوية : ممكن توديني عند إمي
حصة : أنا ما أريد أرد هناك أبد ....... أصلاً أفكر إني أرد البحرين
راوية إستانست : صدق حتى أنا أبي أرد البحرين
حصة عقدت حياتها : وليش مستانسة هالكثر ... ع بالج بيلسج معاي
راوية بإحباط : ليش عاد ...... إنتي وحيدة وأنا وحيدة ليش ما نعيش مع بعض شفيها
حصة : ما فيها شي بس أنا تعلمت درس إني ما أعيش مع حد لا عائلتج تنفعج ولا ربعج ينفعون مالج إلا ربج
راوية : حصة أنا ما أعرف أحد بالبحرين موووول أمي وهي عايشة هني وما أتوقع إنها بترحب بي
حصة : ومنو قالج إني برحب بج
راوية : إنتي قلبج طيب وأنا أستاهل ..... شوفي حبيبتي نروح البحرين وناخذ
لنا شقة على قدنا ترى المطعم إلي كنتي تشتغلين فيه أنا ما بعته بعده على
إسمي بس أجرته والإيجار كان لمدة سنة فنروم نعيش عليه شرايج
حصة : راوية خلاااص قلت لج أنا ما أبي حد
راوية : زين وديني عند إمي
حصة : إفففففففففففف تراج وايد حنانة
راوية إبتسمت : نروح باجر زين بمرج الصبح عشان نروح
حصة : إن شاء الله
طلعت راوية
وحصة تامة تفكر بباجر
--\\--
عند ريم دخلت السكرتيرة تبغلها بوجود حميد
تنهدت قبل لا يدخل
حميد : السلام عليكم
ريم : وعليكم السلام حياك تفضل
حميد : الله يحيج
ريم : شتشرب
حميد : موب ياي أشرب انا ياي أبي أعرف ردج في موضوعي
ريم تنهدت ونزلت راسها
حميد : مو موافقة صح
ريم : حميد أنا بعد تجربتي مع راشد ما أفكر أتزوج أساساً لا إنت ولا غيرك
حميد : ولو ياج راشد بتوافقين
ريم هزت راسها بلا : ما أريد حد ما أريد أتزوج أساساً
حميد إبتسم بألم : يعني هذا آخر لقى إمبينا
ريم : آنا آسفة
حميد : مو لازم تتأسفين ...... شكراً على كل شي
طلع وبعد شوي دخلت السكرتيرة تقولها راشد موجود ويبي يدخل
راشد : شو يعني ما تبين
ريم : أوهو راشد أنا مو ناقصتنك إنت بعد
راشد : وظافر
ريم : بلاه
راشد : يتم مع منو
ريم : ما عندي مانع إنك تاخذه
راشد طالعها بنظرات مبهت ما في إم تتخلى عن طفلها : ما تبينه
ريم بكره : لإنه منك
راشد : تدرين إنج أنانية
ريم طالعته بنظرات
راشد : وأكبر أنانية بعد .... بنت عمي وطلقتها عشان خاطر عيونج ..... وظافر
ولد مولود بالسابع تعبان وصغير وبسهوله تتخلين عنه وعشان شو عشانج تكرهيني
.. تدرين أصلاً حرام ظافر يعيش مع أم شراتج
ريم حست بصدمة نزلت دموعها توها تستوعب إلي صار وإستوى وإنها بتصير وحيدة بدون ولد بدون ريل بدون أخ بدون صديقة عمرها حصة
وقفت وصرخت : لالالالالالالالالالالالالا ما تاخذ ولدي
راشد : بسج تمثيل ....... لا تمثلين إنج الأم المثالية اللي همها ولدها ...
أصلاً إنتي كلمة أم حرام تنقال لج تعرفين ليش لإن مستحيل تلاقين إم باردة
بمشاعرها نفسج وإلا ام تتخلى عن ولدها نفسج
ريم ركضت ووقفت عند الباب تسد دربه : لا ما بخليك تاخذه
راشد دزها : باخذه غصبن عنج سمعتي
السكرتيرة خافت ودخلت : أنادي السكيورتي أستاذة
راشد سوى لهم طاف وطلع أما ريم فلما دزها راشد طاحت ع الأرض وأغمى عليها من الصدمة العصبية
--\\--
في بيت بو سعيد
دقت راوية الباب
راوية : حصة خلج معاي
حصة هزت راسها بلا : أنا بروح مشوار وبرد أنا مستحيل أدخل هالبيت
دخلت حصة الباب وإلي فتح لها كان ذياب
راوية : مرحبا
ذياب : هلا آمري ......
راوية : إم مشعل موجودة
ذياب عقد حياته : موجودة بس منو إنتي
راوية : أنا بنتها راوية
ذياب فج عينه كيف بنتها وقالو له إنه ما كان عندها غير مشعل ومات
طلعت هند وشافت راوية إنصدمت وبلعت غصتهاا
راوية : هاي هنوده حبيبتي شلونج ......
ذياب طالع راوية بنظرة
إم مشعل إلي سمعت صوت ينتها وطلعت تتأكد ويوم شافت راوية ما إستوعبت وطاحت ع الأرض
راوية ربعت عند أمها : يماااااااا
أم مشعل : إنتي شيايبج شيايبج ما تكفي الفلوس إلي خذتيهم ما تكفيج
راوية : أنا خذت حلالي وحلال إبوي
ذياب : شو السالفة ...
راوية : يما لمي هدومج بنرد البحرين ... موب حلوة تقعدين مع ناس ما يصيرون لج
ذياب بإستغراب : كيف ما يصيرون لها هند تستوي لها
راوية : هند ما تصير لإمي أصلاً إمي وحيدة أمها وأبوها وإمها وإمها وأبوها
بعد وحيدين يعني ما عندها خوال أو عمام كيف تصير لها .... وبعدين كيف
بتصير لها وهي كانت تشتغل عندها

ذياب صار ينقل نظراته بين إم مشعل وهند إلي كانت ترجف خوف من ردة فعل ذياب

--\\--

عند حصة مشت لبيت ريم كانت ولهانه موووووووووووت ع ظافر وتعرف إن ريم في
الدوام يعني ما بتشوفها دخلت البيت والخدامة ما صدقت شافتها سيدة حطت ظافر
في حظنها
ما وحى لحصة تتهنى فيه إلا وراشد داخل وكاااان مجيم خلااااااص : يبي الولد
حصة خافت وحظنت ظافر من الخوف : شفيك شبتسوي به
راشد بصريخ : يبي الولد أقولج
حة ظمته أكثر لما صاح ظافر : راشد شوي شوي خوفت الولد
راشد قرب وسحب ظافر وطلع وأول ما طلع دخلت ريم تدور على ولدها بجنون : وييييييين ظافر وييييييييييينه ولديييييييييييييييي
حصة خافت من شكلها : شفيج ريم
ريم وهي تهز حصة : ظافر ظافر وييينه
حصة : راشد خذه
ريم دزتها بقوة : ليش عطيته ولدي لييييييييش ....
حصة : ما عطيته هو خذاه مني
ريم إنهارت أعصابها وطاحت خلاص ما قدرت أول ما نشت من الإغماء سيدة سارت
البيت ع أمل تشوف ولدها بس المصيبة كانت إن راشد سسبقهاا وخذاه
حصة خافت ما عرفت شو تسوي
وودتها المستشفى
تليفونها كان يدق يدق بس من كثر ما لهت ما عرفت شو تسوي
ولما وصلت ردت على التليفون
حصة وأعصابها تالفة : ألو
راوية : وينج ..... مصيبة صارت
حصة : شصار ..؟؟
راوية : ذياب طلق هند وهند طردتنا أنا وأمي إنتي وين
حصة : أنا بالمستشفى ريم طاحت علي
راوية : ويه ويه شصار
حصة : طليقها خذ عنها ولدها
راوية : فقيرة ما تستاهل
حصة : أنا ببند
راوية : أوكي برد أتصل عقب
--\\--
حصة : ألو
راشد : نعم شتبين
حصة :راشد دخيلك رد الولد
راشد : مانيب راده
حصة : دخيلك دخيل والديك ريم تعبانه
راشد : ما يهمني
حصة : ياينها إنهيار عصبي ..... إرحم حالها دخيل والديك
راشد : تستاهل إلي اييها وأكثر بعد
حصة : حرام عليك ..
راشد : أقول عندج شي مهم وإلا أسكر
حصة بإستغراب : وهالسالفة مو مهمه بالنسبة لك
راشد : هالسالفة بالنسبة لي منتهيه خلاص
وبند الخط
--\\--
كانت هذي آخر مرة شافت فيه حصة ظافر حتى ريم كان هذا آخر يوم شافته فيه رغم
إن كان امبينهم محاكم ع اساس ريم تاخذ ولدها بس دايم كان راشد يفوز به
ريم نفسيتها تعبت وحصة كانت تآزرها

حصة : شرايج نروح البحرين
ريم : نعم
حصة : خلنا نغير جو شرايج
ريم تنهدت : ما اريد أسير مكان أبي ولدي تييبنه لي
حصة : ريم حبيبتي لو بيدي جان يبته من زمان
ريم : ابي ولدي ....... أبي ظافر
حصة : لا حول ولا قوة إلا بالله
--\\--
راشد : يما وين ظافر
أم راشد : راقد بالحجرة
راشد : أها
أم راشد : حرام عليك يما ليش حارم الولد من إمه
راشد : لإنها مو كفو تصير أم
أم راشد : زين ع الأقل عرس وخلي حرمتك تربيه الولد كبر وأنا ما فيه أرابع وراه
راشد بألم : يما عيني ما تشوف مرة إلا ريم
أم راشد : زين يما ردها
راشد : كيف يما وهي عايفتني كارهتني نفسها عافت
أم راشد : لا حول ولا قوة إلا بالله
سهيل بلقافة : أنا بقولكم حل
راشد : نورنا
سهيل : انا أعرس وحرمتي تربيه
راشد : وحرمتك شيخصها في ولدي
سهيل بإستعباط : باخذ أمه
راشد قام له : قبل لا يصير هاليوم بتكون ملفوف بكفن
سهيل : بل بل ما يسوى علينا يا بوي نسولف
راشد : محد يسولف بهالسوالف
سهيل : خخخخخخ حشى .... لو إنك هالكثر تحبها شحقة طلقتها
راشد : غباء مني
سهيل : زين رد إخطبها مرة ثانية
راشد : بترفض أدري
سهيل : عشان ولدها بتوافق
راشد : هزرك
سهيل : هيه نعم
--\\--
في ميلس بيت الريم
ريم وهي تلف شيلتها عدل قبل لا تدخل
ريم : سلام
راشد وسهيل : وعليكم السلام
ريم : نعم
راشد : الله ينعم عليج نحن ياين نخطب
ريم بإستنكار : خيييييييير
راشد : ياي أخطب حصة
ريم حست بقهر وضيجة بصدرها حصة تاخذ راشد : جانك بتعرس عيل تييب ولدي هني عندي
راشد : ما عندي مشكلة
ريم تغصصت يتخلى عن ولده عشان حصيص
سهيل : نبي نعرف راي حصة
ريم وهي عاقدة حياتها : دقايق بس
راشد : لحظة لحظة
ريم : خير
راشد : وانا بعد ياي أخطبج لي
ريم : نعم
راشد : شفيج ما قلت شي ....
ريم : وحصة
راشد : حصة لإخوي سهيل وإنتي لي
ريم إستحت لإنها فهمت غلط
وطلعت وقالت لحصة
حصة إخترشت : حلفي والله خطبني .... أنا موافقة
ريم : خلاص بروح ابلغهم
حصة : لحظة لحظة أخاف يقول عني خفيفة قولي له بعد جم يوم بترد عليك
ريم ضحكت
---\\--
بعد مرور 4 سنوات
عند ريم وراشد ياهم بعد ظافر سيف وبنية وحدة إسمها ميثا
راشد وهو يحط المخدة فوق راسه : أفففففففففففففففف أففففففففففففففففف ريممممممممممممممممممممممممم تعالي شلي هالمزعج
ريم وهي شاله ميثه : شفيك تزاعج ..... سواف حبيبي خلي بابا يرقد
سيف :لا لا حلي بابا يوديني دكان
راشد : بعدين بعدين بوديك زول عن ويهي اللحين
ريم : راشد شهالإسلوب هذا ياهل
راشد : خليت الإسلوب لج يا إم إسلوب إنتي
ريم : رشود بتقوم تودي الولد الدكان وإلا أوديه انا
راشد فز : شوووو تودينه هاللي ناقص إنتي لو شبرتي شبر برى البيت أذبحج فاهمه
ريم إبتسمت لإنها تعرف إن راشد يغار عليييييييييها موووت : وإنت كله حاكرني بهالبيت ما أريد أنا بطلع بغير جو بودي سواف الدكان
نط ظافر : ماما أنا بعد بروح
ريم : حبيبي إنت أول واحد
راشد : إنت إطلع برى إمك تحبك أكثر مني
ريم : منو قال إني احبه أكثر منك ... أصلاً أنا أحبه لإنه ولدك
راشد : أقوووووول طلعي عيالج برى وتعالي إنتي
ظافر : بابا ما بنروح الدكان
راشد : بنروح بنروح بس بعدين شل إختك ووديها عند يدوه وخلي إخوك برى
ريم ضحكت : ههههههههههه راشد مو جدام اليهال
راشد : والله لو ما طلعتيهم برى اللحين لأسوي كل شي يدامهم
--\\--
حصة وهي مبوزة وتكفخ سهيل : إنت بتقوم وإلا شو عندك
سهيل : يا بنت الناس خليني أرقد
حصة : ماشي رقاد بتقوم وإنت تضحك بعد
سهيل : لا إله إلا الله ( يلس ) ها شعندج
حصة بإستهبال : ما عندي شي بس أبي اتمقل فيك
سهيل : قسم بالله ما عند إمج سالفة
حصة : هههههههههههه أستهبل عليك ... سهيل عبودي نام وأنا ودي إني أعزمك ع العشا في أحسن مطعم بالدولة كلها بس على حسابك
سهيل :حلفي إنتي بس
حصة : صدق أرمس
سهيل رد رقد : تدلين المطبخ وإلا ما تدلينه
حصة بوزت : مالت عليك إنزين
سهيل قام : اسولف معاج هههههههههه قومي تلبسي ع بال ما أسبح
حصة : فديتك وفديت هالزوووووووول والله
--\\--
هند ردها ذياب لما إكتشف إنها كانت حامل بس حياتهم لا تخلو من الشك لإنها إنبنت في البداية ع جذب من جذيه الشك كان يتسللهم
أما راوية وإمها فردو البحرين وإستقروا هناك وبالصدفة شافها حميد ولما
شافها تشبهه ريم وايد خذها عل وعسى تنسيه ريم بس راوية ولعانتها من حذيه ما
تمت معاه وايد سنة وطلقها
وكره راوية وكره ريم وكره الحريم كلهم بسبتها هع هع
وتوته توته خلصت الحتووتة

**.♥. Ŝαŗõõŋα** الثلاثاء مارس 01, 2011 11:51 am

زهرة البساتين كتب:
يسلمووووووووووووووو
متى التكملة ؟؟؟؟
حطي الاجزاء بسرررررررررررعة

واخيـــــــــــرا اكتملت الروايه
وتسلمين على متابعتج لي

تحيااااتي
سآآآآرونـــه
flower